नेपालमा केन्द्रविन्दु भएर ६.४ रिक्टर स्केलको भूकम्प : राष्ट्रिय भूकम्प विज्ञान केन्द्र
प्रकाशित मिति : कार्तिक १७, २०८० शुक्रबार
नेपालमा केन्द्रविन्दु भएर ६ दशमलव ४ रिक्टर स्केलको भूकम्प गएको भारतको राष्ट्रिय भूकम्प विज्ञान केन्द्रले जनाएको छ । नेपालको स्थानीय समय अनुशार राती ११ बजेर ४७ मिनेटमा भूकम्पको धक्का महसुस गरिएको थियो । भूकम्पको धक्का नेपालसहित भारत र चीनमा पनि अनुभव गरिएको थियो ।
Earthquake of Magnitude:6.4, Occurred on 03-11-2023, 23:32:54 IST, Lat: 28.84 & Long: 82.19, Depth: 10 Km ,Location: Nepal, for more information Download the BhooKamp App https://t.co/SSou5Hs0eO@ndmaindia @Indiametdept @Dr_Mishra1966 @Ravi_MoES @KirenRijiju @PMOIndia pic.twitter.com/XBXjcT29WX
— National Center for Seismology (@NCS_Earthquake) November 3, 2023
भूकम्पको धक्का कत्रो थियो भन्नेबारे फरक फरक विवरणहरु पनि आइरहेका छन् । कतिपय विवरणमा ६ दशमलव २ रिक्टर स्केल बताइएको छ भने कतिपयमा ५ दशमलव ९ रिक्टर स्केल बताइएको छ । कतिपय विवरणहरुमा ५ दशमलप ६ रिक्टर स्केल बताइएको छ । भूकम्पले पश्चिम नेपालको भागमा केन्द्रविन्दु बनाएको देखिएको छ ।
युएस जियोलोजिकल सर्भेले जुम्लादेखि ४२ किलोमिटर दक्षिणमा केन्द्रविन्दु बनाएर ५ दशमलव ६ रेक्टर स्केलको भूकम्प गएको जनाएको छ । भूकम्पको गहिराई १७ दशमलव ९ किलोमिटर रहेको युएस जियोलोजिकल सर्भेले जनाएको छ ।
थप विवरण अपडेटको क्रममा छ ।