Follow @khasokhasmag

पारमाणविक कार्यक्रम पुनः शुरु गर्ने चेतावनी


प्रकाशित मिति : श्रावण ३१, २०७४ मंगलबार

इरानका राष्ट्रपति हसन रुहानीले अमेरिकाले थप प्रतिबन्धहरु लगाएमा आफ्नो मुलुकले ‘केही घण्टाभित्रै’ पारमाणविक कार्यक्रम पुनः शुरु गर्ने चेतावनी दिएका छन्।

अबका पारमाणविक कार्यक्रम सन् २०१५ मा सीमित पारिएको अवस्थाभन्दा बढी आधुनिक हुने उनले बताए।

शक्ति राष्ट्रहरुसँगको एउटा सम्झौतापछि इरानले आफ्नो पारमाणविक कार्यक्रम सीमित पारेको थियो।

आफ्नो बलेस्टिक क्षेप्यास्त्र कार्यक्रमलाई लक्षित गरी अमेरिकाले लगाएका प्रतिबन्धहरु सम्झौता विपरीत रहेको इरानको तर्क छ।

उल्लंघन

तर अमेरिकाले इरानको क्षेप्यास्त्र परीक्षणले संयुक्त राष्ट्रसंघीय प्रस्तावको उल्लंघन गरेको दावी गरेको छ।

हसन

राष्ट्रसंघीय प्रस्तावले पारमाणविक सम्झौतालाई अनुमोदन गर्दै परमाणु अस्त्रसँग सम्बन्धित कुनै प्रकारको परीक्षण नगर्न आह्वान गरेको थियो।

इरानले परमाणु युद्धशीर्ष बोक्न सक्ने कुनै प्रकारको बलेस्टिक क्षेप्यास्त्रको परीक्षण नगरेको र आफ्नो पारमाणविक कार्यक्रम नितान्त शान्तिपूर्ण रहिआएको बताउँदै आएको छ।

अमेरिकी राष्ट्रपति डोनल्ड ट्रम्पले इरानसँगको पारमाणविक सम्झौताबाट अमेरिका अलग हुने चेतावनी दिँदै आएका छन्।

गत जनवरीको अन्त्यतिर इरानले गरेको एउटा क्षेप्यास्त्र परीक्षणपछि ट्रम्पले ‘इरानका आक्रामक कदमहरुप्रति अमेरिका आँखा चिम्लेर ननबस्ने’ चेतावनी दिएका थिए।

उक्त परीक्षण प्रत्यक्ष रुपमा पारमाणविक सम्झौता विपरीत भएको नबताएपनि अमेरिकाले २५ जना, क्षेप्यास्त्र कार्यक्रमसँग र इरानको शक्तिशाली रेभोल्युशनरी गार्डसँग सम्बन्धित संस्थामाथि प्रतिबन्ध लगाएको थियो।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com