अन्जु पन्तले डीसी बासीलाई नचाएरै छोडिन

खसोखास अमेरिका ब्यूरो

---

प्रकाशित मिति : श्रावण ३०, २०७४ सोमबार

विजय थापा

लामो समय पछि अमेरिका पुगेकी गायिका अन्जु पन्तले आफ्नो उत्कृष्ट गीत प्रस्तुत गर्दै दर्शकलाई मन्त्र मुग्ध पारिन l उनले आफ्ना एक से एक चर्चित गीत गाए पछि दर्शक झुम्न बाध्य भएका थिए l उनले गीत गाउदै दर्शकलाई नाच्ने हैन भने पछि दर्शक मंच छेउमा गएर नाच्दै मनोरंजन लिएका थिए l

उनले आफ्ना चर्चित गीत को साथै अन्तिममा माइतिघर चलचित्रको प्राण भन्दा प्यारो गीत मिश्रित गीत गाउँदा माहौल तातेको थियो l उनले यति राम्रो गीत गाउछिन भन्ने नलागेको र नसोचेको दर्शकले बताए l उनको कार्यक्रम हेर्न आएका दर्शकले सार्है मिठो गीत गाउने कलाकार रहिछन भन्दै झन्डै यस्तो कलाकार को गीत सुन्ने अवसर गुमाएको बताए l

उनले लामो समय देखि कला क्षेत्रमा गरेको योगदान को उच्च कदर गर्दै उनलाई सम्मान समेत गरिएको थियो l उनलाई भर्जिनियाका निर्वाचन क्षेत्र ८७ का सभासद जोन बेलले सम्मान पत्र प्रदान गरेका थिए l अन्जु पन्त ले म आफ्ना दर्शकहरु संग आंखा जुधाउन चाहन्छु भन्दै कार्यक्रम स्थल उज्यालो बनाउन आग्रह गरिन l उज्यालो भए पछि खुशी ब्यक्त गर्दै व्यस्त समयको बाबजुद पनि आएर कलाकारलाई हौशला दिनु भएकोमा धन्यवाद दिइन् l

आफुले खोलेको संस्था बारेमा जानकारी दिदै उक्त संस्थाले बालबालिका तथा महिलाहरुका लागि काम गर्ने बताईन l उनले महत्वपूर्ण कुरा यहाहरु अमेरिका आएकोले हामीले मौका पाएको भनिन l

अन्तरराष्ट्रिय नेपाली कलाकार समाज (इनास) अमेरिकाको आयोजनामा भएको पहिलो प्रस्तुतिको लागि पहिलो कलाकार स्वरुप अन्जु पन्त लाई रोजेको थियो l

गत अगस्त १३ तारिख आइतबार हुने कार्यक्रममा डिसी क्षेत्र वरपरका सभासद ,प्रतिनिधि तथा सिनेटहरु पनि अन्जु पन्त लाई प्रोत्साहन दिन आएका थिए l अन्तरराष्ट्रिय नेपाली कलाकार समाज (इनास)ले सिनेटर वार्नर ,सिनेटर जेनिफर व्हिटन,सभासद जोन बेललाई मानार्थ सदस्यमा मनोनित गरेको छ l

उक्त सांस्कृतिक कार्यक्रममा खादा ओढाएर सम्मान गरिएको थियो l बिदेशीहरुले आफ्नो छोटो मन्तब्य राखेका थिए भने कार्यक्रममा लाउडन काउन्टी डेमो क्रेटिक दलका जिल्ला सभापति तथा लेखा परीक्षक हरि शर्माले उनीहरुको क्रियाकलाप र योगदानको बारेमा चर्चा गरेका थिए l

कार्यक्रममा स्थानीय कलाकारहरु र अमेरिका मा जन्मेका दोश्रो पुस्ताका कलाकारहरुले नृत्य तथ् गीत गएका थिए l ईनासका उपाध्यक्ष तथा वरिष्ट गायक मधु क्षेत्रीले आफ्नो सदा बाहर गीत हुरीले उडाउन सकेन भन्ने गीत प्रस्तुत गरेका थिए l कार्यक्रममा लक्ष्मण पौडेल तथा कल्पना देवकोटाले दोहिरी गीत गएका थिए भने दर्शकले मन थाम्न नसकी नाचेका थिए l

ईनास अमेरिकाका अध्यक्ष आनन्दु लामा, ईनास अमेरिका भर्जिनिया शाखाका अध्यक्ष गोविन्ददाश श्रेष्ठ तथा रमेश मैनालीले समेत मन्तब्य राखेका थिए l कार्यक्रमको अन्त्यमा कलाकारहरुलाई महा बाणिज्य दुत प्रेम राजा महतले अन्जु पन्त लगायतलाई प्रमाण पत्र वितरण गरेका थिए l