अदालतबाट एसाइलम स्वीकृत भएकाहरुलाई तत्काल युएससीआईएसमा सम्पर्क गर्न प्रोत्साहन
प्रकाशित मिति : बैशाख २१, २०८० बिहीबार
अध्यागमन न्यायाधीश वा अध्यागमन अपील बोर्ड बीआईएले अध्यागमन स्टाटस स्वीकृत गरेको सूचना प्राप्त गरेपछि निश्चित नयाँ एसाइलीहरु र वैध स्थायी बासिन्दाहरूलाई अध्यागमन स्थितिको प्रमाण उपलब्ध गराउन थाल्ने युएससीआईएसले जनाएको छ । यो नयाँ प्रयासले अध्यागमन न्यायाधीश वा बीआईएद्वारा पहिले नै स्टाटस स्वीकृत गरिसकेका व्यक्तिहरूको लागि युएससीआईएसमा आफै उपस्थीत भएर अप्वाइमेन्ट लिनुपर्ने बाध्यता हटाउन मद्दत गर्नेछ।
युएससीआईएसका फिल्ड अफिसहरूले यी कागजातहरू हुलाक मार्फत ने उपलब्ध गराउन सक्छन्, जुन लामो कानूनी प्रक्रियाबाट गुज्रिएका व्यक्तिहरूका लागि महत्त्वपूर्ण राहत हो। यो नयाँ प्रयास अगस्त २०२२ मा सुरु भएको थियो । जस अन्तरगत एसाइलम स्वीकृत भएका व्यक्तिहरूलाई एसाइली स्ट्याम्पहरू सहित आई ९४ हुलाकबाट पठाउन थालिएको थियो ।
केही कानुनी स्थायी बासिन्दाहरूलाई अध्यागमन न्यायाधीश वा बीआईएले स्थिति समायोजनको अनुमति दिएको जानकारी दिएपछि युएससीआईएसले ग्रिनकाडएहरु पनि जारी गर्दै आएको छ ।
यो नयाँ पहलले नयाँ एसाइली र वैध स्थायी बासिन्दाहरूलाई रोजगारी खोज्न, यात्रा गर्न र उनीहरूले पाउने अन्य सुविधाहरू प्राप्त गर्न मद्दत गर्नेछ। युएससीआईएसले एसाइली वा कानुनी स्थायी बासिन्दाको हैसियत पाएका व्यक्तिहरूलाई युएससीआईएसको सम्पर्क केन्द्रमा सम्पर्क गरेर उनीहरूको स्थितिको प्रमाण अनुरोध गर्न प्रोत्साहित गरेको छ । किनभने युएससीआईएसलाई हरेक अवस्थामा सूचित नगरिएको हुन सक्छ।
यस नयाँ प्रयासको साथ युएससीआईएसले नयाँ शरणार्थीहरू र वैध स्थायी बासिन्दाहरूका लागि अध्यागमन स्थितिको दस्तावेज प्रमाणहरू प्राप्त गर्ने प्रक्रियालाई सजिलो र कम बोझिलो बनाउने लक्ष्य राखेको छ।