नवलपरासीको विनयी त्रिवेणीमा भेटिएको बेवारिसे ९ वटा बम निस्क्रिय पार्न सेना जाँदै
प्रकाशित मिति : चैत्र १२, २०७९ आईतबार
पूर्वी नवलपरासीको विनयी त्रिवेणी गाउँपालिका–५ को भेडी गाउँमा बेवारिसे अवस्थामा नौ वटा बम फेला परेका छन् । बारीमा बम देखेपछि स्थानीयवासी त्रसित भएका थिए । बेवारिसे अवस्थामा फेला परेका बमलाई निस्क्रिय पार्ने तयारी भइरहेको छ । बम फेला परेको स्थानमा राति नै नेपाल प्रहरी र सशस्त्र प्रहरीको टोली पुगेर सुरक्षा दिइरहेको र बम निस्क्रिय पार्न नेपाली सेनाको टोली उक्त स्थानमा जादै छ ।
जङ्गलमा चौपाया चराउन गएका किसानहरूले बारीमा बम देखेपछि खोतल्दै जाँदा एकै ठाउँमा नौवटा बम देखिएको हो । भारतीय सेनाका पूर्वसैनिकसमेत रहेका सरामुका अनुसार ती ८१ एमएममोटरको बम (गोला) हुन् । साथै पाँच हजार दुई सय मिटर रेन्ज काटी बम जमिनमा विस्फोट हुँदा एक सय ८० मिटर वरपरको क्षेत्र ध्वस्त पार्ने सरामुले दाबी गर्नुभयो । ती बम कसले र कहिले राखेको भन्नेबारे यकिन भएको छैन ।