कलाकार वा चलचित्र/टेलिभिजन उद्योगमा काम गर्नेका लागि अमेरिकी भिसा ‘ओ’को मापदण्ड अपडेट
प्रकाशित मिति : फाल्गुन २०, २०७९ शनिबार
अमेरिकाको युएससीआईएसले कलामा असाधारण क्षमता भएका र चलचित्र वा टेलिभिजन उद्योगमा असाधारण उपलब्धि हासिल गरेकाहरूका लागि एक्सट्राअर्डिनरी भिसा ओ वान बी भिसाको योग्यता निर्धारण गर्न प्रमाणहरू कसरी मूल्याङ्कन गर्छ भन्नेबारे स्पष्ट गर्दै नीति निर्देशिका जारी गरेको छ। अमेरिकाको आप्रवासन र राष्ट्रियता ऐन अन्तर्गत ओ श्रेणीको भिसा विज्ञान, कला, व्यवसाय, शिक्षा, र एथलेटिक्समा असाधारण क्षमता र रेकर्ड भएका व्यक्तिहरू तथा चलचित्र वा टेलिभिजन उद्योगमा असाधारण उपलब्धि हासिल गरेकाहरुका लागि उपलब्ध रहेको छ ।
अपडेट गरिएको सेक्सन यहाँ हेर्न सक्नुहुनेछ ।
नीति अपडेट अनुशार परिशिष्टमा एउटा चार्ट समावेश गरिएको छ जसले ओ वान बी श्रेणीको भिसा पाउन कस्ता प्रमाणहरू आवश्यक पर्छ भन्नेबारे उदाहरणहरू वर्णन गर्दछ । भिसा पाउनका लागि प्रमाणको मापदण्डहरू कस्तो हुने भन्नेबारे पनि अपडेट गरिइको छ । चार्टले निवेदकहरूलाई उपयुक्त प्रमाण पेश गर्न मद्दत गर्दछ जसले आवेदकको योग्यता स्थापित गर्न सक्छ। यो नीति निर्देशिकाले युएससीआईएसका अधिकारीहरुलाई सही तरिकाले आवेदनबारे निर्णय गर्नका लागि समेत सहयोग गर्ने जनाइएको छ ।
कला क्षेत्रमा असाधारण योग्यता प्रमाणित गरेर ओ वान बी भिसा लिनका लागि आवेदकले महत्त्वपूर्ण राष्ट्रिय वा अन्तर्राष्ट्रिय पुरस्कार वा पुरस्कार प्राप्त गरेको प्रमाण समावेश गर्नुपर्छ वा अन्य आधा दजर्न मध्ये कम्तीमा तीनवटा प्रमाणका मापदण्ड पूरा गर्नुपर्छ । ती ६ वटा मापदण्ड पूरा गर्न कस्ता कस्ता प्रमाणहरु पेश गर्न सकिने भन्नेबारे युएससीआईएस थप प्रष्ट पारेको छ ।
विज्ञान, शिक्षा, व्यापार, वा खेलकुदमा असाधारण क्षमता भएकाहरुलाई पनि ओ वान ए भिसा उपलब्ध गराइन्छ । तर युएससीआईएसको नयाँ अपडेट भने ओ वान बी भिसाका सन्दर्भमा हो ।