बाइडेनको नयाँ नियम लागु भएपछि अमेरिकामा यस्तो हुनेछ एसाइलम प्रकृया
प्रकाशित मिति : फाल्गुन १४, २०७९ आईतबार
Migrants wait for their turn to have a Border Patrol agent write down their information in Eagle Pass, Texas on December 20, 2022. – The US Supreme Court on december 19, 2022, halted the imminent scrapping of a key policy used since former US President Donald Trump’s administration to block migrants at the southwest border, amid worries over a surge in undocumented immigrants. An order signed by Chief Justice John Roberts placed a stay on the removal planned for December 21 of Title 42, which allowed the government to use Covid-19 safety protocols to summarily block the entry of millions of migrants. (Photo by VERONICA G. CARDENAS / AFP)
बाइडेन प्रशासनले हालै एक प्रस्तावित नियमको घोषणा गरेको छ । जसले दक्षिणपश्चिम सीमाना हुँदै अमेरिका आउने ठूलो संख्यामा आप्रवासीहरुका लागि शरणमा पहुँच हटाउनेछ।
फेब्रुअरी २१ मा घोषणा गरिएको नियमले वयस्क र परिवारहरूका लागि एसाइलममा नयाँ प्रतिबन्ध सिर्जना गर्नेछ । बाटोमा पर्ने देशमा शरणको लागि आवेदन नगरी अमेरिका आउनेहरुको शरण अस्वीकार गर्नसक्ने अवस्था आउनसक्छ ।
यदि तपाइँ क्युबा, हाइटी, निकारागुआ, युक्रेन वा भेनेजुएलाको नागरिक हुनुहुन्छ भने र तपाइँ अनियमित रूपमा पनामा वा मेक्सिकोमा प्रवेश गर्नुभएको छैन भने तपाईले अमेरिकामा मानवीय प्यारोलको लागि आवेदन दिन सक्नुहुनेछ । तर त्यसका लागि तपाईंसँग अमेरिकामा पर्याप्त पैसा कमाउने स्पोन्सर हुनुपर्छ । साथै तपाईसँग हवाई भाडाको लागि नगद, राहदानी आवश्यक हुनेछ । तपाईले त्यसका लागि केही समय पर्खनुपर्ने पनि हुन्छ । यो प्रकृयामार्फत तपाई बैधरुपमा अमेरिका आउन र २ बर्ष काम गर्न पाउनुहुनेछ ।
तर यदि तपाई क्युबा, हाइटी, निकारागुआ, युक्रेन वा भेनेजुएलाको नागरिक हुनुहुन्न भने तपाई एसाइलमका लागि मेक्सिकोको सिमाक्षेत्र जानुपर्ने हुन्छ । यदि तपाई मेक्सिकोमा केही समक्ष सुरक्षित बस्न सक्ने र पोर्ट अफ इन्ट्रीसम्म जानसक्ने वातावरण छ भने तपाई त्यहाँ रहेर सीबीपीको सीबीपी वान एप्लीकेशन डाउनलोड गरेर पोर्ट अफ इन्ट्रीमा अप्वाइन्टमेन्ट लिन सक्नुहुनेछ । त्यसपछि तपाई सामान्य एसाइलम प्रकृयामा जान सक्नुहुन्छ ।
तर तपाईसँग अप्वाइन्टमेन्टसम्म कुर्ने धैर्यता, समय र खर्च छैन भने तपाई सिधै सिमा पार गरेर एसाइलमका लागि दावी गर्न सक्नुहुनेछ । तपाई अमेरिकी जमिनमा प्रवेश गरेपछि तपाईलाई अमेरिकाका सुरक्षा अधिकारीहरुले पक्राउ गरेपछि एसाइलमको प्रकृया सुरु हुन्छ ।
त्यसपछि तपाईले एसाइलम अधिकारीसँग तपाईंको क्रेडिबल फियर अन्तर्वार्ताको लागि पर्खनुपर्छ । सुरुमा तपाईंले किन एप्लीकेशनबाट अप्वाइन्टमेन्ट लिन सक्नुभएन भन्नेबारे कारण पेश गर्न सक्नुपर्छ । यदि तपाईले एप्लीकेशनमा गम्भीर अवरोधको कारणले सीबीपी वान एप्लीकेशन प्रयोग गर्न असमर्थ प्रमाणित गरेमा तपाइको प्रकृया अगाडि बढ्छ । र क्रेडिबल फियर अन्तरवार्ताका साथमा सामान्य शरण प्रकृया सुरु हुन्छ ।
त्यसपछिको प्रकृया भने अप्वाइन्टमेन्ट लिएर आउने र नआउनेहरुका सन्दर्भमा एउटै हुन्छ । यो विन्दुमा एसाइरुलम अधिकारीले तपाई अमेरिकामा आउनु अघि बाटोमा पर्ने अर्को देशमा शरणको लागि आवेदन दिनुभएको थियो वा थिएन भनेर सोध्छन् । साथै अस्वीकार गरिएको थियो वा थिएन भनेर सोध्छन् । तपाईले आवेदन दिनुभएको थियो र अस्वीकार भएको थियो भने तपाईको एसाइलम प्रकृया अगाडि बढ्नसक्छ । थिएन भने तपाई यो बिन्दुमा एसाइलमका लागि अयोग्य पनि हुनसक्नुहुन्छ ।
यो बिन्दुमा एसाइलम अधिकारीहरुले तपाईलाई बाटोमा पर्ने देशमा एसाइलम नगरेका कारण हुने अयोग्यताका लागि छुट दिने नदिने निर्धारण गर्नेछन् । यदि छुट दिने निर्धारण गरेमा तपाईको एसाइलम प्रकृया अगाडि बढ्छ । यदि तपाइँ तीव्र चिकित्सा संकटमा भएको, आसन्न र चरम खतरामा रहेको वा गम्भीर रूपमा तस्करीमा पर्नुभएको विषयमा अधिकारीलाई सन्तुष्ट पार्न सकेको खण्डमा तपाईले छुट पाउनसक्नुहुन्छ । तर सन्तुष्ट पार्न नसकेमा तपाईको देशनिकालाको प्रकृया सुरु हुन्छ ।
तपाईले छुट पाउनुभएको खण्डमा तपाईको क्रेडिबल फियर अन्तरवार्ता हुन्छ । यो अन्तर्वार्ता सामान्य एसाइलम स्क्रिनिङ अन्तर्वार्ता जस्तै अगाडि बढ्नेछ, जसमा तपाईंको गृह देशमा उत्पीडनको सामना गर्नुपरेको प्रश्नहरू र तपाईं किन फर्कन डराउनुहुन्छ भन्ने प्रश्नहरुको चित्तबुझ्दो जवाफ दिन सक्नुपर्छ । तपाई क्रेडिबल फियर अन्तरवार्तामा सफल हुनुभएमा तपाईलाई एसाइलमको अन्तिम अन्तरवार्ता लिइन्छ । असफल हुनुभएमा तीब्र गतिको देशनिकालामा राखिन्छ । यो बिन्दुमा तपाईले न्यायाधिस समक्ष अपिलको अनुरोध समेत गर्न सक्नुहुनेछ ।
क्रेडिबल फियर अन्तरवार्ता सफल भइसकेपछिको अन्तिम एसाइलम अन्तरवार्तामा पनि सफल भएमा अमेरिकामा बस्न अनुमति दिइन्छ र तपाईले ग्रिनकार्डका लागि आवेदन दिन सक्नुहुनेछ । तर असफल भएमा तपाईको केस अध्यागमन अदालतमा रिफर गरिन्छ । न्यायाधीशले एसाइलम अधिकारीसँग तपाईंको अन्तर्वार्ताको ट्रान्सक्रिप्टको समीक्षा गर्छन् । र तपाईंले आवेदनको छुट्टै समिक्षा पनि गर्छन् । यदि तपाई योग्य भएमा तपाईको आवेदन अगाडि बढ्छ । र, अदालतबाट सुनुवाईको मिति पाउनुहुनेछ । अयोग्य भएमा देशनिकाला हुन्छ ।
यी जानकारीहरु कानुनी सल्लाह होइनन् । नियम प्रस्तावित अवस्थामा रहेकाले अन्तिम नियम के हुन्छ अहिले नै भन्न सकिन्न । तर प्रस्तावित नियमका आधारमा यी सामान्य जानकारीमात्र हुन् ।