अष्ट्रेलियामा अन्तर्राष्ट्रिय विद्यार्थीले पाक्षिक ४८ घण्टा काम गर्न पाउने, कोरोनाकालिन छुट हटाइदै
प्रकाशित मिति : फाल्गुन १२, २०७९ शुक्रबार
अष्ट्रेलियामा अन्तर्राष्ट्रिय विद्यार्थीका लागि काम गर्न पाउने अवधिमा लगाइएको कोरोनाकालिन छुट आगामी जुन ३० देखि हटाइने भएको छ । साथै आगामी जुलाई १ देखि अन्तर्राष्ट्रिय विद्यार्थीले पाक्षिक ४८ घण्टा काम गर्न पाउने व्यवस्था गरिने भएको छ । कोरोनाकालिन छुट अगाडि अन्तर्राष्ट्रिय विद्यार्थीले पाक्षिक ४० घण्टामात्र काम गर्न पाउने प्रावधान थियो ।
थप जानकारीका लागि यहाँ क्लीक गर्नुहोला ।
विद्यार्थी भिसामा कार्य प्रतिबन्धहरू महामारीभर नरम बनाइयो थियो । सन् २०२२ को जनवरी पछि काममा लगाइएका प्रतिबन्धहरु पूर्ण रूपमा हटाइएको थियो, जसले प्राथमिक र माध्यमिक विद्यार्थी भिसावाहकले कार्यबलको अभावलाई सम्बोधन गर्न पाक्षिक ४० घण्टामात्र काम गर्न पाउने सामान्य सिमा पालना गर्नुपरेको थिएन । उनीहरुले चाहेजति घण्टा काम गर्न पाएका थिए ।
अष्ट्रेलियाले विद्यार्थी भिसावाहकहरूको लागि अध्ययन पछि बस्ने अवधि पनि बढाउने भएको छ । विद्यार्थीहरूले आफूलाई आर्थिक रूपमा सहयोग गर्न र उनीहरूको डिग्रीमा ध्यान केन्द्रित गर्न पर्याप्त समय दिनको लागि वर्तमान व्यवस्था जुन ३० सम्म जारी रहनेछ।
विद्यार्थी भिसा वाहकहरूले गुणस्तरीय अष्ट्रेलियाली शिक्षा र योग्यता प्राप्त गर्नमा ध्यान केन्द्रित गर्न सक्षम होउन् भनेर जुलाई १ देखि कामसम्बन्धि प्रतिबन्धहरु पुन लागु गरिने तर पाक्षिक घण्टा विगतको तुलनामा ८ घण्टा बढाइने सरकारी सुचनामा उल्लेख छ ।
यसबाहेक,अष्ट्रेलिया सरकारले अन्तर्राष्ट्रिय विद्यार्थीहरूको लागि अध्ययन पछि काम गर्ने अधिकार थप दुई वर्ष विस्तार गर्ने घोषणा गरेको छ। यद्यपि यो निश्चित डिग्री भएकाहरू र सीपको अभाव भएको पाठ्यक्रम पछ्याउनेहरूका लागि उपलब्ध हुनेछ।
थप जानकारीका लागि यहाँ क्लीक गर्नुहोला ।
साथै कोरोना महामारीका बेलामा अष्ट्रेलियामा बसेर अर्थतन्त्रमा योगदान दिएका योग्य अन्तर्राष्ट्रिय विद्यार्थीहरु जसको अस्थायी ग्रयाजुएट भिसा सन् २०२२ को सेप्टेम्बर १ देखि सन् २०२३ को जुलाई १ भित्र समाप्त हुने तय भएको छ, उनीहरुले २ बर्षको महामारी इभेन्ट भिसामा पहुच पाउनेछन् ।
यी विस्तारहरू रिजनलमा अध्ययन गर्ने, बस्ने र काम गर्ने योग्य विद्यार्थीहरूका लागि विद्यमान थप एक देखि दुई वर्षको कार्य अधिकारबाहेकका अतिरिक्त सुविधा हुन् ।