आईआरएसबाट लिनुपर्ने रिफण्ड रकम बाँकी छ ? जनवरीदेखि ७ प्रतिशत ब्याजसहित पाइने
प्रकाशित मिति : पुस २७, २०७९ बुधबार
के अझै पनि तपाईले लिनुपर्ने ट्याक्स रिफण्ड छुटेको छ ? तपाईंलाई आईआरएसले उक्त रकममा जनवरीदेखि ७ प्रतिशत ब्याज दिनेछ । ढिलो ट्याक्स रिफण्डको ब्याज भुक्तानी जनवरीमा ७ प्रतिशत भएको आईआरएसले जनाएको छ ।
लाखौं अमेरिकीहरू अझै पनि आईआरएसबाट ट्याक्स रिफण्डका लागि पर्खिरहेका छन् । तर चिन्ता नगर्नुहोस्, तपाईको रकमले आकर्षक ब्याज जम्मा गरिरहेको हुनसक्छ । आईआरएसले सामान्यतया ट्याक्स फाइल गर्ने अन्तिम मितिभन्दा ४५ दिन ढिलो भएका रिफन्डमा ब्याज तिर्छ ।
ब्याज दर संघीय अल्पकालीन दरको आधारमा प्रत्येक त्रैमासिकमा समायोजन गरिन्छ। डिसेम्बरको ब्याजदर ६ प्रतिशत रहेको थियो तर जनवरी १ बाट बढाएर ७ प्रतिशत बनाइएको छ । एक वर्षअघिको ब्याजदर ३ प्रतिशत थियो ।
नोभेम्बरको मध्यसम्म आईआरएसले यस वर्ष प्राप्त करिब ३ दशमलव ७ मिलियन व्यक्तिगत कर रिटर्नहरू प्रशोधन गर्नुपर्ने थियो, जसमा त्रुटि सच्याउन वा अन्य विशेष ह्यान्डलिङ आवश्यक पर्ने १७ लाख रिटर्नहरू र थप २ मिलियन कागजी रिटर्नहरू समीक्षा र प्रक्रियाको लागि पर्खिरहेका छन्।
आईआरएस ब्याज भुक्तानी आर्थिक वर्ष २०२१ मा ३३ प्रतिशत बढेको छ, कर सङ्कलन एजेन्सीले व्यक्तिगत रिफण्डका लागि लगभग ३ दशमलव ३ बिलियन भुक्तान गरेको छ ।
गत वर्ष ९० प्र्रतिशत भन्दा बढी करदाताहरूले आईआरएसको अनुरोधमा इलेक्ट्रोनिक रूपमा आफ्नो ट्याक्स रिटर्न पेस गरे तापनि करिब १ करोड ७० लाखले कागजी फाइलिङ पठाएका थिए । जसले गर्दा रिटर्नको ढिलाई बढेको छ। वृद्ध अमेरिकीहरू जसले हुलाक मार्फत कागजी रुपमा आफ्नो रिटर्न फाइल गर्छन्।
परिणामस्वरुप कागजी फाइल गर्नेहरुले रिफण्ड प्राप्त गर्न असामान्य रूपमा लामो समय कुर्नुपरेको छ । पर्खने समय नियमित रूपमा छ महिना भन्दा बढी छ। नेशनल ट्याक्सपेयर एड्भोकेटको रिपोर्ट अनुसार केही अमेरिकीहरूले १० महिना वा सोभन्दा बढी पर्खिरहेका छन्।
प्रशोधन नगरिएको रिटर्नको थुप्रो महामारी सम्बन्धित अवरोधहरूबाट उत्पन्न भएको हो ।
यदि तपाईं अझै आफ्नो रिफण्ड पर्खिरहनु भएको छ भने यसको स्थिति ट्र्याक गर्न यहाँ क्लीक गर्नुहोला ।