रुसले विदेशी नेताहरूलाई प्रभाव पार्न बिलियन डलर खर्च गरेको अमेरिकाको दावी
प्रकाशित मिति : भाद्र २९, २०७९ बुधबार
रुसले २४ भन्दा बढी देशका नेताहरूलाई प्रभाव पार्न सन् २०१४ देखि गोप्य रूपमा ३०० मिलियन डलर खर्च गरेको अमेरिकाले आरोप लगाएको छ ।
अमेरिकी विदेश विभागको यो आरोप अमेरिकी गुप्तचर विभागहरूले मंगलबार जारी गरेको मूल्याङ्कनमा आधारित छ। रुसले भने यसबारे सार्वजनिक रूपमा कुनै प्रतिक्रिया दिएको छैन । रुसले पनि अमेरिकाले विदेश मामिलामा हस्तक्षेप गरेको आरोप पटक पटक लगाएको छ ।
बाइडेन प्रशासनका अधिकारीले भने ,अमेरिकी गुप्तचरले मूल्याङ्कन गरेको छ कि यी न्यूनतम तथ्याङ्क हुन् र यो सम्भव छ कि रसियाले गोप्य रूपमा अतिरिक्त रकम पठाएको हुन सक्छ जुन थाहा थिएन। यद्यपि, यस जानकारीमा विशेष देश वा अधिकारीहरूको नाम समावेश छैन, जसलाई रूसले प्रयोग गरेको थियो ।
नाम नबताउने सर्तमा ति अधिकारीले भने अमेरिकी गुप्तचर निकायले चुनिएका देशहरूलाई यसबारे गोप्य सूचना दिइरहेको छ। यद्यपि, यो जानकारी गोप्य रहनेछ।
एएफपी समाचार एजेन्सीका अनुसार, यस विषयमा जानकारी भएको प्रशासनिक स्रोतले आरोप लगाएको छ कि रूसले अल्बानिया र बोस्निया, मोन्टेनेग्रो र माडागास्करमा २०१७ को चुनावमा केन्द्र-दक्षिण डेमोक्रेटिक पार्टीलाई समर्थन गर्नका लागि (५००,०००) पाँच लाख डलर खर्च गरेको थियो।