Follow @khasokhasmag

अमेरिकाबाट नेपाल जाँदा नेपाली पासपोर्टको म्याद ६ महिना बढी भए नभएको यकिन गर्न सुझाव


प्रकाशित मिति : जेष्ठ १५, २०७९ आईतबार

अमेरिकाबाट नेपाल जाँदा नेपाली पासपोर्टको म्याद ६ महिनाभन्दा बढी भए नभएको चेक गर्न सुझाव दिइएको छ । साधारणतयाः अन्तर्राष्ट्रिय उडान गर्ने वायुसेवा कम्पनीहरुले यात्रुहरुसँग ६ महिनाभन्दा बढी अवधि बहाल रहेको राहदानी माग गर्ने भन्दै अमेरिकामा रहेको नेपाली दूतावासले यसबारे सर्वसाधारणलाई जानकारी गराएको हो ।

अमेरिकाको वासिंटन डिसीमा रहेको नेपाली दूतावास

आफू रहेको मुलुक भन्दा अन्य मुलुकमा यात्रा गर्दा राहदानीको बहाल अवधि कम्तीमा ६ महिना भन्दा बढी हुनुपर्ने दूतावासले जनाएको छ ।
तर, नेपाल तथा अन्य मुलुक यात्रा गर्ने कतिपय यात्रुहरुले नेपाली राहदानीको म्याद नै नहेरी हवाई टिकट काट्ने गरेको अमेरिकामा रहेको नेपाली दूतावासको भनाई छ ।

यात्रा गर्ने दिन वा विमानस्थलबाट यात्रा गर्न बञ्चित भएपछि यात्रा अनुमतिपत्रका लागि अनुरोध गर्दै राजदूतावासमा सम्पर्क गर्ने सेवाग्राहीहरुको संख्या उल्लेख्य रहेको भन्दै दूतावासले आफू वा यात्रा गर्ने आफ्ना परिवारका सदस्यहरुको राहदानीको बहाल अवधि ६ महिनाभन्दा बढी रहे नरहेको यकिन गरेर मात्रै यात्राको तयारी गर्न सम्बन्धित सबैलाई अनुरोध गरेको छ ।

न्युयोर्कमा रहेको नेपाली कन्सुलेट

विद्यमान राहदानी ऐन तथा नियमावली अनुसार राहदानीको म्याद १ वर्षभन्दा कम बाँकी रहेको अवस्थामा राहदानी नविकरणको लागि आवेदन गर्न सकिने व्यवस्था रहेको छ । आकस्मिक रुपमा यात्रा गर्नु परेको खण्डमा यात्रा अनुमतिपत्रका लागि समेत आवेदन दिन सकिन्छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com