उपमहानगरमा माओवादीले खाता खोल्यो
प्रकाशित मिति : जेष्ठ ४, २०७९ बुधबार
बाराको जितपुर सिमरा उपमहानगरपालिकाको मेयरमा नेकपा माओवादी केन्द्रका राजन पौडेल निर्वाचित भएका छन् । पौडेल १८७४३ मतसहित निर्वाचित भएका हुन् । उनका निकटतम प्रतिद्वन्द्वी नेकपा एमालेकी सरस्वतीदेवी चौधरीले १७७७९ मत प्राप्त गरेकी छन् ।
त्यस्तै लोकतान्त्रिक समाजवादी पार्टीका सञ्जयकुमार साहले ५३८२ मत प्राप्त गरेका छन् भने राप्रपाका माधवप्रसाद त्रिपाठीले १३०२ मत प्राप्त गरेका छन् ।
माओवादीले यहाँ ४ ओटा मात्र वडा जितेको छ। एमालेले १३ वटा वडा जितेको छ भने कांग्रेसले ५ वटा वडा जित्न सफल भएको छ। यस्तै लोसपा र नेकपा एकीकृत समाजवादीले १र१ वटा वडा जितेको छ।
सत्ता गठबन्धनबाट नेकपा माओवादीको भागमा दुई वटा उपमहागनरपालिका परेका थिए। जसमा माओवादी जित निकाल्न सफल भएको हो।