अमेरिकामा रहेका अन्तर्राष्ट्रिय विद्यार्थीले पनि फाइल गर्नुपर्छ ट्याक्स
प्रकाशित मिति : चैत्र २८, २०७८ सोमबार
अमेरिकामा रहेका अन्तर्राष्ट्रिय विद्यार्थीले पनि ट्याक्स फाइल गर्नुपर्छ । अमेरिकामा अस्थायीरुपमा आएका विद्यार्थीहरु, प्रशिक्षार्थी, विद्वानहरु, अनुसन्धानकर्ताहरु, एक्सचेन्ज भिजिटर लगायतले पनि निश्चित मापदण्डभित्र परेको खण्डमा ट्याक्स फाइल गर्नुपर्ने आईआरएसले जनाएको छ ।
विद्यार्थी लगायतका गैरआवासीय व्यक्तिका लागि कतिसम्म आम्दानी हुनेले ट्याक्स फाइल गर्नुपर्छ भन्ने कुनै मापदण्ड छैन । आईआरएसका अनुशार स्कलरसिप वा फेलोसिपबापत कर लाग्ने रकम प्राप्त गरेकाहरु वा अन्य कुनै प्रकारको कर लाग्ने आम्दानी गरेकाहरुले कर तिर्नुपर्छ ।
तर विदेशी श्रोतबाट मात्र आम्दानी गरेकाहरु र अमेरिकाको बैंक, बित्तिय संस्था वा इन्सुरेन्सबाट ब्याज प्राप्त गरेका अन्तर्राष्ट्रिय विद्यार्थी वा गैर आवासीय व्यक्तिहरुले भने अमेरिकामा ट्याक्स फाइल गर्नु पर्दैन । त्यस्तै ट्याक्स नलाग्ने फेलोसिप वा स्कलरसिप पाएकाहरुले पनि ट्याक्स फाइल गर्नु पर्दैन ।
विद्यार्थी लगायतका गैर आवासीय व्यक्तिले १०४० एनआर वा १०४० एनआर ईजी फर्म भरेर आईआरएसमा ट्याक्स फाइल गर्नुपर्छ । तर उनीहरुले आवासीय व्यक्तिले भने १०४० फर्म भने भर्न नहुने आईआरएसले चेतावनी दिएको छ ।