सर्वोच्च परिसरमा प्रहरी र वकिलबीच झडप,बार अध्यक्ष श्रेष्ठ लगायत घाइते
प्रकाशित मिति : मंसिर २, २०७८ बिहीबार
प्रधानन्यायाधीशको राजीनामाको माग गर्दै आन्दोलित नेपाल बारका वकिलहरुले आज पनि सर्वोच्च अदालतमा धर्ना दिएका छन् । धर्नामा बसेका वकिलहरु र प्रहरीबीच धकेलाधकेल भएको छ । प्रधानन्यायाधीशलाई अदालत प्रवेशमै अवरोध गर्नेगरी धर्नामा बसेका वकिलहरु मुख्य भवनतर्फ प्रवेश गर्न खोजेपछि धकेलाधकेल भएको हो ।
सोही क्रममा बारका अध्यक्ष एवं वरिष्ठ अधिवक्ता चण्डेश्वर श्रेष्ठसहित कानुन व्यवसायीहरु कपिल पोखरेल, रमण कर्ण, युवराज भण्डारी, गोपाल सापकोटा, ऋषिराम घिमिरेलगायतका घाइते भएका छन् । घाइतेलाई अस्पताल लगिएको छ ।
बारले सर्वोच्च अदालत अगाडिको धर्ना प्रदर्शनलाई निरन्तरता दिँदै देश भरिका १८ वटा उच्च अदालतमा समेत विरोध प्रदर्शन गर्ने निर्णय गरेको छ ।