Follow @khasokhasmag

अगस्त ९ पछि भ्याक्सिन लगाएका अमेरिकी नागरिक र ग्रिनकार्डवाहक क्यानडा जान पाउने


प्रकाशित मिति : श्रावण ५, २०७८ मंगलबार

झण्डै १६ महिनापछि आगामी अगस्त ९ बाट क्यानडाको अमेरिकासँगको स्थल सिमानाका खुल्ने भएको छ । हाल अमेरिकामा बस्दै आएका भ्याक्सिन लगाएका अमेरिकी नागरिकहरु र ग्रिनकार्डवाहकहरु क्यानडा जान पाउने भएका छन् ।

गतबर्षको मार्चदेखि अत्यावश्यकबाहेकका अन्य यात्रुहरुलाई क्यानडा प्रवेशमा रोक लगाइदै आएको थियो । कोरोनाको महामारी फैलिनबाट नियन्त्रणका लागि भन्दै यस्तो कदम चालिएको थियो ।

अन्तर्राष्ट्रिय यात्रुहरुलाई पनि आगामी सेप्टेम्बर ७ बाट क्यानडा प्रवेश दिनसकिने क्यानडाको सरकारले सोमबार जारी गरेको वक्तब्यमा जनाइएको छ । पूर्णरुपमा भ्याक्सिन नलगाएका विदेशीहरुलाई क्यानडा प्रवेशमा रोक भने जारी रहने भएको छ ।

अमेरिकी पासपोर्ट

पूर्णरुपमा भ्याक्सिन लगाएका अमेरिकन नागरिक वा ग्रिनकार्डवाहकले क्यानडा प्रवेशको कम्तीमा १४ दिन अगाडि क्यानडाको सरकारबाट स्वीकृत भ्याक्सिनको पूरै डोज लगाएको हुनुपर्नेछ । वा सरकारले स्वीकृत गरेको मिश्रण डोज लगाएको हुनुपर्नेछ । जोन्सन एण्ड जोन्सन बाहेक कोरोनाबिरुद्धका अरु भ्याक्सिन दुईडोज लगाउन आवश्यक छ ।

अहिलेसम्म क्यानडाले मोडेर्ना, फाइजर, आष्ट्राजेनेका र जोन्सन एण्ड जोन्सन भ्याक्सिनलाई प्रयोगको स्वीकृति दिएको छ । चीन वा रसियामा बनेका अन्य भ्याक्सिनलाई क्यानडामा मान्यता दिइएको छैन । यात्रुहरुले क्यानडा प्रवेश गर्दा भ्याक्सिन लगाएको प्रमाण पेश गर्नुपर्नेछ ।

भ्याक्सिन लगाएका बाबुआमा वा अभिभावकसँग प्रवेश गर्ने १२ बर्षभन्दा कम उमेरका बालबालिकाहरुलाई १४ दिन क्वारेन्टीनमा बस्न अनिवार्य छैन । भ्याक्सिन लगाएका यात्रुहरुलाई क्यानडा पुगेपछि परीक्षण गराउन आवश्यक छैन । तर विमानस्थलमा कोभिड १९ मोलिक्युलर टेस्टका लागि र्याण्डम तरिकाले छनौट गरिएको खण्डमा भने परीक्षण गराउनुपर्छ ।

त्यस्तै क्यानडा आउने सबै यात्रुले भ्याक्सिन लगाएको भएतापनि प्रवेशको अनुरोधभन्दा ७२ घण्टा भित्रको नेगेटिभ कोरोना परीक्षण पेश गर्न आवश्यक छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com