Follow @khasokhasmag

आज डिभीबारेका मुद्दाको संयुक्त सुनुवाई हुँदै, ३० हजारको अमेरिकी सपनाबारे निर्णयको अपेक्षा


प्रकाशित मिति : श्रावण ४, २०७८ सोमबार

आज अमेरिकाका डिभी लोटरीबारेका झण्डै ८ वटा मुद्दाको संयुक्त सुनुवाई गरिने भएको छ । दिउसो १ बजे वासिंटन डिसीको अदालतमा हुने सुनुवाईमा सन् २०२० र सन् २०२१ का झण्डै ३० हजार डिभी विजेताहरुले बाइडेन प्रशासनको सामना गर्नेछन् ।

वासिंटन डिसीको युएस डिस्ट्रिक्ट कोर्टमा न्यायाधिस अमित मेहता समक्ष हुने उक्त सुनुवाईमा गुडलक भर्सेज बाइडेन लगायतका कम्तीमा ८ वटा मुद्दाहरुको संयुक्त सुनुवाई हुनेछ । न्यायाधिस मेहताले सन् २०२१ का कतिजना डिभी विजेताहरुले भिसा पाए र कतिजनाको भिसा अन्तरवार्ता तय भएको छ भन्ने सन्दर्भमा अमेरिकी विदेशमन्त्रालयसँग विवरण अनुरोध गरेका थिए ।

अमेरिकी विदेश मन्त्रालयले हिजो फाइल गरेको विवरण अनुशार सन् २०२१ का ३५०६ जना डिभी विजेताहरुकोमात्र भिसा जारी गरिएको छ । अमेरिकी विदेशमन्त्रालयले थप ६ हजार १८ जनाको भिसा अन्तरवार्ताको मिति तय गरेको छ । तर अब आर्थिक बर्ष २०२१ का डिभी विजेताले भिसा पाउनुपर्ने अवधि झण्डै साढे २ महिनामात्र बाँकी रहेको छ ।

अमेरिकी संसदले ५५ हजार डाइभर्सिटी भिसाको कोटा तोकेको छ । तर अमेरिकी सरकारको विदेश मन्त्रालयले आर्थिक बर्ष २०२१ मा संसदले तय गरे अनुरुप भिसा जारी नहुने सम्भावना रहेको बताउँदै आएको छ । अमेरिकाले डिभी विजेताहरुलाई सबैभन्दा कम प्राथमिकतामा राखेकोमा मुद्दाका वादीहरुले अन्य भिसा श्रेणीजस्तै डिभीलाई पनि प्राथमिकता दिनुपर्ने माग गरेका छन् ।

आजको अदालती सुनुवाई र मुद्दाको अवस्थाबारे जानकारी दिने क्रम झण्डै ४ घण्टासम्म चल्ने अपेक्षा गरिएको छ । आजको सुनुवाईले सन् २०२० र सन् २०२१ का झण्डै ३० हजार डिभी विजेताको अमेरिकी सपनाबारेको रुपरेखा कोर्नसक्ने अपेक्षा गरिएको छ ।

भिडियो न्युयोर्क समय अनुशार दिउसो १ बजेपछि उपलब्ध हुनेछ । अदालतको सुनुवाईको लाइभ हेर्न यहाँ क्लीक गर्नुहोला

चालु आर्थिक बर्ष २०२१ का लागि पनि ३८०१ जना नेपालीहरुले डिभी लोटरी पारेका थिए । तर कोरोना महामारी र विगतको ट्रम्पको आप्रवासन रोकका कारण अधिकांशले भिसा पाउन सकेका छैनन् । गतमहिना केही नेपाली डिभी विजेताहरुले भने भिसा पाउन सफल भएका छन् ।

गतबर्ष कोरोनाको महामारीका कारण अमेरिकी राष्ट्रपति डोनाल्ड ट्रम्पले आप्रवासन रोक लगाउँदै डिभी विजेताहरुको भिसामा समेत प्रतिबन्ध लगाएका थिए । तर अदालतले डिभी विजेताहरुलाई भिसा जारी गर्न सरकारलाई आदेश दिएपछि गतबर्षको सेप्टेम्बरमा डिभी विजेताहरुले भिसा प्राप्त गर्न सफल भएका थिए ।

उनीहरुले भिसा पाएपनि अध्यागमन रोकका कारण फेब्रअरी अन्तिमसम्म अमेरिका आउन भने पाएका थिएनन् । फेबु्रअरीमा अदालतले ट्रम्पको आप्रवासन रोक खारेज गरिदिएपछि उनीहरु अमेरिका आउन पाएका थिए ।

ट्रम्पले कार्यकारी आदेशमार्फत सन् २०२० को भिसाको औचित्य समाप्त गरेकोमा संघीय अदालतले त्यसको बिरुद्धमा फैसला गरेपछि सेप्टेम्बरमा ४०४ जना नेपालीहरुले डाइभर्सिटी भिसा प्राप्त गरेका थिए । आर्थिक बर्ष २०२० का लागि ३६९६ जना नेपालीहरुले डिभी लोटरी पारेका थिए । तर उनीहरुमध्ये झण्डै साढे १३ सय जना प्राथमिक डिभी विजेताहरुलेमात्र अमेरिकाको भिसा प्राप्त गर्न सफल भए । प्राथमिक डिभी विजेताहरु र उनीहरुका परिवारका सदस्यहरुसहित गतबर्ष २ हजार ८५ जना नेपालीहरुले डाइभर्सिटी भिसा पाउन सफल भएका थिए ।

तर आर्थिक बर्ष २०२१ का डिभी विजेताहरुको परीदृश्य सन् २०२० का डिभी विजेताहरुको तुलनामा अझ खराब भएको छ । प्रत्यक्ष रुपमा कुनै आप्रवासन रोक नभएपनि अमेरिकी सरकारको विदेश मन्त्रालयले दूतावासहरुलाई डाईभर्सिटी भिसालाई सबैभन्दा कम प्राथमिकतामा राख्न निर्देशन दिएपछि लोटरी विजेताहरुले भिसा पाउन सकेका छैनन् । अहिलेकै अवस्था कायम रहेमा सन् २०२१ का डिभी विजेताहरुले २०२० का विजेताले जति पनि भिसा नपाउने देखिएको छ ।

पासपोर्ट अनिवार्य गर्दा पनि २०२१ को डिभी लोटरी कार्यक्रममा ६ लाख ८८ हजार ५ सय २ जना नेपालीहरु सहभागी भएका थिए । प्राथमिक आवेदन दिने नेपालीहरु ४ लाख २१ हजार ७ सय ६५ जना रहेका थिए ।

उनीहरुका २ लाख ६६ हजार ७३७ परिवारका सदस्यहरुसहित सहित ६ लाख ८८ हजार ५ सय २ नेपालीहरु सन् २०२१ को डिभी कार्यक्रममा सहभागी भएका थिए । उनीहरुले सन् २०१९ को अक्टोबर २ देखि नोभेम्बर ५ सम्म डिभी लोटरीका लागि आवेदन दिएका थिए ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com