बाल्यकालमा अमेरिका आएकालाई संरक्षण दिने कार्यक्रम गैरकानुनी भएको अदालतको निर्णय, नयाँ आवेदन खारेज
प्रकाशित मिति : श्रावण १, २०७८ शुक्रबार
टेक्सासका संघीय न्यायाधिस बाल्यकालमा अमेरिका आएकालाई संरक्षण दिने डाका कार्यक्रम गैरकानुनी भएको निर्णय सार्वजनिक गर्दै डाकाका नयाँ आवेदनहरु लिनमा रोक लगाएका छन् । तर पहिले डाका कार्यक्रम अन्तरगत संरक्षण प्राप्त गरिरहेकाहरु भने अदालतको आगामी निर्णयहरु नआउँदासम्म यो निर्णयबाट प्रभावित नहुने जनाइएको छ ।
न्यायाधिस एन्ड्रयु हनेनले डाका कार्यक्रम अन्त्यका लागि कैयन रिपब्लिकन राज्यहरुले दायर गरेको मुद्दाको पक्ष लिदै उक्त निर्णय सार्वजनिक गरेका हुन् । सन् २०१२ मा तत्कालिन अमेरिकी राष्ट्रपति बराक ओबामाले ल्याएको यो कार्यक्रम गैर कानूनी रहेको न्यायाधिसको निर्णयमा उल्लेख छ ।
यो कार्यक्रमले प्रशासनिक प्रकृया ऐनको उल्लंघन गरेको अदालतको ठहर छ । अहिले यो कार्यक्रमले झण्डै साढे ६ लाखलाई संरक्षण प्रदान गरिरहेको छ । अदालतको आदेशले डाका कार्यक्रम अन्तरगत संरक्षण चाहनेहरुका नयाँ आवेदनमात्र होइन, नविकरणका आवेदनहरु समेत प्रभावित हुनेछन् ।
यो आदेश अनुशार सरकारले डाकाको संरक्षणमा रहेकाहरुबिरुद्ध कुनै अध्यागमन, देशनिकाला वा अपराधको कदम चाल्नभने बाध्य नबनाउने न्यायाधिसले स्पष्ट पारेका छन् । सरकारले आवेदनहरु लिने काम जारी राख्नसक्ने तर आवेदन स्वीकार गर्न भने नसक्ने अदालतको आदेशमा उल्लेख छ ।
अमेरिकामा यो कार्यक्रम अन्तरगत झण्डै ६० जना नेपालीहरुले संरक्षण प्राप्त गरिरहेका छन् । उनीहरु तत्काल देशनिकालामा पर्ने कुनै खतरा भने छैन ।