निश्चित कारणले अस्वीकृत कामदारभिसा एचवानबी आवेदन पुन पेश गर्न पाइने
प्रकाशित मिति : असार ९, २०७८ बुधबार
युएससीआईएसले काम सुरु गर्ने समयका आधारमा अस्वीकृत भएका कामदार भिसा आवेदन एचवानबीका आवेदनहरु पुन स्वीकार गर्ने भएको छ । काम सुरुवात गर्ने मिति अक्टोबर १, २०२० भन्दा पछाडि भएको कारण आर्थिक बर्ष २०२१ को एचवानबी आवेदन अस्वीकार भएको भएमा वा प्रशासनिक रुपमा बन्द गरिएको भएमा त्यस्ता आवेदनहरु पुन पेश गर्न सकिने भएको छ ।
यदि आवेदकको आवेदन पूर्णरुपमा प्रारम्भिक दर्ता अवधिमा पठाइएको तर काम सुरुपवात गर्ने मिति सन् २०२० को अक्टोबर १ पछि भएको आधारमा आवेदन अस्वीकृत भएको वा प्रशासनिक रुपमा बन्द भएको भएमा पहिले पठाएको पुन आवेदन पठाउन सकिने तर त्यसका लागि उपयुक्त शुल्कसहित पठाउनुपर्ने युएससीआईएसले स्पष्ट पारेको छ ।
त्यस्तै उपयुक्त शुल्कसहित उपयुक्त ठेगानामा पठाइएका आवेदनहरु पहिले पठाएकै मितिमा पठाइएको मानिनेछ भने त्यस्ता आवेदनहरु सन् २०२१ के अक्टोबर १ अगाडि पुन पठाउनुपर्ने जनाइएको छ । आवेदन पठाउँदा आर्थिक बर्ष २०२१ को एचवान बीको क्याप दर्ता छनौट सुचना समेत पठाउनुपर्ने । यदि तपाईले अस्वीकार भएको वा प्रशासनिक रुपमा बन्द भएको सुचना पाउनुभएको छ भने उक्त सुचना पनि पठाउनुपर्नेछ ।
त्यस्तै आवेदन पठाउँदा चम्किलो मसिले काम सुरुवात गर्ने मिति अक्टोबर १, २०२० भन्दा पछाडि भएको कारण अस्वीकार भएको आवेदन उल्लेख गरेर पठाउन अनुरोध गरिएको छ । यसो गर्दा तत्काल आवेदन पुनरावलोकन गर्न युएससीआईएसका अधिकारीहरुलाई सहज हुनेछ ।