Follow @khasokhasmag

अमेरिका र क्यानडाको सिमानाका अत्यावश्यकबाहेकका यात्राका लागि जुलाई २१ सम्म बन्द


प्रकाशित मिति : असार ५, २०७८ शनिबार

अमेरिका र क्यानडाको सिमानाकाक अत्यावश्यकबाहेकका यात्राका लागि जुलाई २१ सम्म बन्द हुने भएको छ । यसअगाडि तय भएको म्याद जुन २१ म सकिने भएकाले एकमहिना थप गर्ने निर्णय भएको हो । भ्याक्सिन लगाउने कार्य तीब्र भइरहेको अवस्थामा सिमानाका खुल्ने अपेक्षा गरिएपनि अझै कम्तीमा एकमहिना थप गर्ने निर्णय भएको हो ।

शुक्रबार दुबै देशहरुबीच कम्तीमा जुलाई २१ सम्मका लागि अत्यावश्यक बाहेक अन्य यात्राका लागि सिमानाका बन्द गर्ने सहमति भएको हो । दुबै देशमा भ्याक्सिन लगाउने कार्य तीब्र बनेको अवस्थामा दुबै देशका सांसदहरु, व्यवशायीहरु, एकबर्षभन्दा लामो समयदेखि परिवारहरुले सिमानाकामा प्रतिबन्धहरु हटाउन वा खुकुलोपार्न माग गर्दै आएका छन् ।

क्यानडाका जनताको संरक्षणका लागि यो कदम चालिएको क्यानडाका प्रधानमन्त्री जस्टिन टु्रडोले बताएका छन् । कोरोनाबिरुद्धको भ्याक्सिनको दोश्रो डोजको थ्रेसहोल्ड पूरा गर्न बाँकी रहेको र भ्याक्सिन लगाएकाहरुबाट समेत संक्रमण फैलिनसक्ने भएकाले महामारी सम्बन्धित प्रतिबन्धहरु कायम राख्न आवश्यक परेको उनले बताए ।

क्यानडामा कम्तीमा २० प्रतिशतजनसंख्याले पूर्णरुपमा भ्याक्सिन लगाएपछि र ७५ प्रतिशतले कम्तीमा एक डोज भ्याक्सिन लगाएपछि प्रतिबन्धहरु खुकुलो पार्ने प्रधानमन्त्री टु्रडोको भनाई छ । अमेरिका र क्यानडाको स्थल सिमानाका सन् २०२० को मार्चदेखि नै अत्यावश्यक बाहेकका अन्य यात्राका लागि बन्द रहदै आएको छ ।

दुईदेशहरुले हरेक महिना एकएकमहिनाका लागि प्रतिबन्धहरु थप्दै गएका छन् । पछिल्लो प्रतिबन्ध सोमबार समाप्त हुने तय भएको थियो । क्यानडाले स्वदेश फर्कने क्यानेडियनका लागि जुलाई पहिलो साताबाट क्वारेन्टीनका प्रावधानहरु केही खुकुलो पार्ने संकेत गरेको छ ।

आगामी सातादेखि स्वदेश फर्कने क्यानेडियनहरुले आफूहरुले भ्याक्सिन लगाएको रेकर्ड सरकारी वेवसाइटमा अपडोल गर्न सक्नेछन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com