Follow @khasokhasmag

अब घरेलु र गिरोह हिंशाबाट पीडितहरुलाई अमेरिकामा एसाइलम सहज


प्रकाशित मिति : असार २, २०७८ बुधबार

घरेलु र गिरोह हिंशाबाट पीडितहरुलाई एसाइलममा कडाई गर्ने विगतको ट्रम्प प्रशासनको विवादास्पद नीतिलाई डिपार्टमेन्ट अफ जस्टिसले उल्टाइएको छ । अब अमेरिकामा घरेलु र गिरोह हिंशाबाट पीडितहरुले पनि विगतको तुलनामा सहजै एसाइलम पाउनसक्ने भएका छन् ।

बुधबारका केही घोषणामा एटोर्नी जनरल मेरिक गाल्र्याण्डले विगतका ट्रम्प प्रशासनका पालाका एटोर्नी जनरलहरुले ल्याएका विवादास्पद नीतिहरुलाई खारेज गरिदिएका हुन् । उनले घरेलु हिंशामा परेर आफ्नो देश छाडेर अमेरिका आएका महिला वा गिरोहको निशानामा परेका परिवारलाई एसाइल संरक्षण प्रदान गर्ने नीतिलाई ब्यूताएका छन् ।

गत फरबरीमा राष्ट्रपति जो बाइडेनले कार्यकारी आदेशमार्फत डिपार्टमेन्ट अफ होमल्याण्ड सेक्युरिटी र डिपार्टमेन्ट अफ जस्टिसलाई एसाइलमका योग्यताबारे नयाँ नीति बनाउन आदेश दिएका थिए । उक्त प्रकृयाकालागि महिनौं लाग्नसक्ने र विगतका ट्रम्पकालिन नीतिका कारण जोखिममा रहेकाहरु देशनिकालामा पर्ने खतरामा रहेको भन्दै अधिकारकर्मीहरुले एटोर्नी जनरलहरुलाई नीति परिवर्तनका लागि आग्रह गरेका थिए ।

एटोर्नी जनरलको आजको कदमले एसाइलम प्रकृयामा निष्पक्षता हुने अधिकारकर्मीहरुको अपेक्षा रहेको छ । लिंगको आधारमा भएका विभेद र घरेलु हिंशाका कारण आफ्नो मुलुक छाड्न बाध्य भएकाहरुको जीवन बचाउन मद्दत पुग्ने अपेक्षा गरिएको छ ।

म्याटर अफ एबी र म्याटर अफ एलएफएका सन्दर्भमा ट्रम्प प्रशासन अन्तरगतका एटोर्नी जनरलले गरेको निर्णयमा एसाइलमलाई कडा बनाइएको थियो । तर आजको निर्णय अनुशार एसाइलमका ती प्रावधानहरु ट्रम्पले कार्यभार सम्हाल्नु अगाडि अर्थात् ओबामा प्रशासनका पालामा जुन अवस्थामा थिए, त्यही अवस्थामा फर्काइएका छन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com