Follow @khasokhasmag

युएससीआईएसबाट अस्वीकृत निश्चित प्रकारका आवेदन अगस्त ९ सम्म पुनः पेश गर्न पाइने


प्रकाशित मिति : जेष्ठ २७, २०७८ बिहीबार

युएससीआईएसको लकबक्समा भएको ढिलाई कारण प्रभावित निश्चित प्रकारका आवेदनमा राहत प्रदान गर्नका लागि युएससीआईएसले निश्चित समयअवधि सम्मका लागि आवेदन स्वीकार गर्नका लागि लचकता अपनाउने भएको छ । यो लचकता युएससीआईएसको लकबक्समा फाइल गरिएका आवेदनमा सन्दर्भमा मात्र अपनाइने तर युएससीआईएसका सर्भिस सेन्टर वा फिल्ड अफिसमा अध्यागमन सुविधाका लागि फाइल गरिएका आवेदनका सन्दर्भमा नपानाउने युएससीआईएसले स्पष्ट पारेको छ ।

कोरोना महामारीका कारण गरिएका कडाईहरु, आवेदन संख्यामा भएको बृद्धि, हुलाक सेवाकोमात्रा र अन्य वाह्य तत्वहरुका कारण केही आवेदक वा याचिकाकर्ताहरुले युएससीआईएसको लकबक्समा अध्यागमन सुविधाका लागि आवेदन पठाएपछि रिसिप्ट वा आवेदन अस्वीकृत भएको सुचना प्राप्त गर्नमा ढिलाई भएको थियो । यसरी प्रभावित भएकाहरुलाई युएससीआईएसले जुन १० देखि अगस्त ९ सम्म ६० दिनको अवधिका लागि आवेदन पेश गर्ने अर्को मौका दिने भएको छ ।

यदि तपाईले कुनै अध्यागमन सुविधाका लागि युएससीआईएसको लकबक्समा सन् २०२० को अक्टोबर १ देखि सन् २०२१ को अप्रिल १ भित्र आवेदन पठाउनुभएको थियो । र, आवेदन प्रतिक्षाको प्रकृयामा रहेका बेलामा आवेदन शुल्कको पेमेन्ट एक्सपायर भएका कारण आवेदन अस्वीकृत भएको थियो भने तपाईले नयाँ पेमेन्ट सहित जुन १० देखि अगस्त ९ भित्र आवेदन पुन पठाउन सक्नुहुनेछ ।

यदि युएससीआईएसले ढिलाई कारण आवेदन अस्वीकृत गरिएकोमा सहमति जनाएको खण्डमा जुन १० देखि अगस्त ९ भित्र पुन पेश गरिएको आवेदनलाई पनि पहिलेको आवेदन प्राप्त भएको मितिकै आवेदनका रुपमा रेकर्डमा राख्ने र चेक नसाटिएका कारण लगाइएको ३० डलर शुल्क पनि मिनाहा गरिदिने युएससीआईएसले जनाएको छ ।

त्यस्तै कुनै आवेदकले युएससीआईएसको लकबक्समा सुरुमा आवेदन दिएको मिति र युएससीआईएसले आवेदन अस्वीकार गरेको मितिको बीचको अवधिका कारण आवेदक वा लाभग्राही उमेरको हदबन्दी नाघेका कारण निश्चित प्रकारको अध्यागमन सुविधाका लागि अयोग्य भएको थियो भने पनि आवेदकले जुन १० देखि अगस्त ९ भित्र आवश्यक प्रमाणसहित पुन आवेदन दिनका लागि युएससीआईएसले मौका दिएको छ । ग्रिनकार्डवाहक वा अमेरिकी नागरिकका २१ बर्ष मुनीका छोराछोरीहरु लगायतका सन्दर्भमा अध्यागमन सुविधामा यस्तो उमेरको हदबन्दी रहेको हुन्छ ।

यदि ढिलोगरी भएको आवेदन अस्वीकृतका कारण लाभग्राही उमेरको हदबन्दीका कारण अध्यागमन सुविधाका लागि अयोग्य हुने युएससीआईएसले ठहर गरेको खण्डमा युएससीआईएसले पुन पेश गरिएको आवेदन स्वीकार गर्नेछ र उक्त आवेदनलाई पहिलेको आवेदन प्राप्त भएको मितिकै आवेदनका रुपमा रेकर्डमा राख्नेछ । यो लचकता नागरिकता आवेदन र प्रमाणपत्र जारीको एन ६०० के आवेदनका हकमा भने लागु नहुने युएससीआईएसले प्रष्ट पारेको छ ।

यदि आवेदक वा लाभग्राहीले युएससीआईएसको गल्तीका कारण अध्यागमन सुविधाको आवेदन अस्वीकार भएको ठान्छन् भने उनीहरुले युएससीआईएसमा सम्पर्क गर्नुपर्ने युएससीआईएसले जनाएको छ । यदि युएससीआईएस सहमत भएको खण्डमा उनीहरुलाई गल्तीवश अस्वीकृत भएको आवेदन पुन पेश गर्नका लागि मौका दिनसक्नेछ । यस्तो मौका पाएका आवेदनलाई पहिलेको आवेदन प्राप्त भएको मितिकै आवेदनका रुपमा रेकर्डमा राखिनेछ ।

[videopress LmlFEaIn autoplay=”true”]

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com