कोरोना महामारी : ७९१४ जनामा संक्रमण पुष्टि, १९३ को मृत्यु
प्रकाशित मिति : जेष्ठ ९, २०७८ आईतबार
नेपालमा २४ घन्टामा थप ७९१४ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १८ हजार १ सय ९८ नमुना परीक्षण गर्दा ७ हजार ९ सय १४ जनामा संक्रमण पुष्टि भएको हो।
नेपालमा सक्रिय संक्रमितको संख्या आइतबार १ लाख १५ हजार ५ सय ४७ पुगेको छ । जसमध्ये ७ हजार ३ सय ४९ संस्थागत तथा १ लाख ८ हजार १ सय ९८ होम आइसोलनेसनमा छन्।
यस्तै, काठमाडौ उपत्यकामा पनि संक्रमणदर घट्दो छ। आइतबार उपत्यकामा २ हजार ८ सय २१ जनामा संक्रमण पुष्टि भएको छ। जसमध्ये भक्त्तपुरमा ३६६, ललितपुरमा ६९४ र काठमाडौंमा १७६१ जनामा संक्रमण देखिएको छ।
पछिल्लो २४ घन्टामा कोरोना संक्रमणबाट १ सय ९३ जनाको निधन भएको छ। मन्त्रालयका अनुसार आइतबार ७ हजार ६ सय ६४ जना संक्रमणमुक्त भएका छन्। नेपालमा संक्रमणमुक्त दर ७६ दशमलव ३ प्रतिशत रहेको छ।