कागजपत्रविहिनलाई नागरिकताको बाटोमा लैजानेगरी अध्यागमन सुधारका लागि पूर्व राष्ट्रपति बुशको आव्हान

प्रकाशित मिति : बैशाख ५, २०७८ आईतबार

पूर्व अमेरिकी राष्ट्रपति जर्ज बुशले अमेरिकामा रहेका कागजपत्रविहिनलाई क्रमिक रुपमा वैध आवासीय अवस्था हुँदै नागरिकता प्रदान गर्ने बिल पारित गर्नका लागि संसदसमक्ष आव्हान गरेका छन् । तर उनले सम्पूर्णरुपमा क्षमादान प्रदान गर्नु भने आधारभूत रुपमा गलत हुने समेत बताएका छन् ।

सन् २००७ मा बुशले गर्न खोजेको अध्यागमन सुधारमा रिपब्लिकन पार्टीबाटै विरोधका सामना गर्नुपरेको थियो । उनले आप्रवासीप्रतिको कठोर रवैयालाई एकातिर राखेर अध्यागमन सुधारका क्षेत्रमा काम गर्न संसद समक्ष आव्हान गरेका छन् । राष्ट्रपति जो बाइडेनले अध्यागमन सुधारको एजेण्डालाई प्राथमिकताका साथ अगाडि बढाएको सन्दर्भमा बुशको यो भनाई आएको हो ।

शुक्रबारमात्र बुशले वासिंटन पोष्टमा लेखेको एउटा लेखमा पनि अध्यागमन सुधारका लागि दुईदलीय सहमतिका लागि आव्हान गरेका थिए । लगत्तै आज सीबीएससँग कुराकानी गर्दै बुशले आप्रवासीहरुप्रति सम्मानजनक व्यवहार गर्न आव्हान गरेका हुन् ।

बुशले आफ्नो कार्यकालमा अध्यागमन सुधारका क्षेत्रमा उल्लेख्य काम गर्न नसकेकोमा पछुतो समेत व्यक्त गरे । उनले कागजपत्रविहिन आप्रवासीहरुलाई नागरिकताको बाटोमा लैजान रिपब्लिकनहरुसँग छलफल गरिरहेको समेत बताएका छन् ।

पृष्ठभूमी परीक्षण उत्तिर्ण गरेका र कर तिरेका कागजपत्रविहिनहरुलाई नागरिकताको बाटोमा लैजान रिपब्लिकनलाई सहमत गराउन प्रयास गरेको बुशले बताएपनि रिपब्लिकनहरु भने अध्यागमन सुधारका पक्षमा देखिएका छै्रनन् । संसदको सिनेटबाट अध्यागमनबारेका कुनैपनि नीतिगत बिल पारित गर्न कम्तीमा ६० फिलिबस्टर भोटका लागि कम्तीमा १० जना रिपब्लिकन सिनेटरहरुको समर्थन आवश्यक छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com