आगामी मे सम्म बाइडेनले चालु आर्थिक बर्षका लागि शरणार्थी संख्या बढाउने

प्रकाशित मिति : बैशाख ३, २०७८ शुक्रबार

 

अमेरिकी राष्ट्रपति जो बाइडेनले चालु आर्थिक बर्षभरमा अमेरिकामा स्वीकार गरिने शरणार्थीहरुको संख्या बढाउने भएका छन् । आगामी मे १५ सम्म बाइडेनले यो संख्या बढाउने शुक्रबार अबेर ह्वाइटहाउसले जनाएको छ ।

शुक्रबार दिउसोमात्र बाइडेनले कार्यकारी आदेशमार्फत चालु आर्थिक बर्षका लागि शरणार्थी स्वीकार गरिने संख्या ट्रम्प प्रशासनले नै तोके अनुशार १५ हजारमा नै छाडेका थिए । जुन ऐतिहासिक रुपमा नै कम संख्या हो । यो संख्या बाइडेनले नबढाएपछि बाइडेनले राजनीतिक विरोध सामना गर्न सुरु गरेका थिए ।

शुक्रबार दिउसो जारी गरिएको प्रारम्भिक आदेशमा बाइडेनले कस्ता खालका शरणार्थीहरु १५ हजारको सिमाभित्र पर्ने भन्ने सन्दर्भमा ट्रम्प प्रशासनबाट लागु गरिएको प्रतिबन्धहरु खारेज गरेका थिए । तर सेप्टेम्बर ३० सम्म स्वीकार गर्ने शरणार्थी संख्यामा भने कुनै फेरबदल गरेका थिएनन् ।

गत फेबु्रअरीमा बाइडेनले आगामी आर्थिक बर्षका लागि शरणार्थी संख्या बढाएर १ लाख २५ हजार बनाउने प्रतिवद्धता जनाएका थिए । तर चालु आर्थिक बर्षका लागि ट्रम्पले नै संख्याको सिमितता तय गरेकोमा बाइडेनमा त्यसमा कुनै परिवर्तन नगरी आज कार्यकारी आदेश जारी गरेकोमा डेमोक्रेटिक पार्टीकै धेरैजना आश्चर्यचकित भएका थिए ।

सांसद अलेक्जेण्ड्रिया ओकासियो कोर्टेजले शरणार्थीको संख्या नबढाउनु अस्वीकार्य भएको बताएकी थिइन् । बाइडेनले आप्रवासीहरुलाई स्वागत गर्ने प्रतिबद्धता जनाएको र मतदाताहरुले त्यही प्रतिज्ञाका आधारमा मतदान गरेको उनले बताइन् । कार्यकारी आदेश लगत्तै भएका आलोचनापछि ह्वाइटहाउसले मे १५ सम्म शरणार्थीको संख्या बढाउने बताएको हो ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com