सयौं नक्कली एसाइलम आवेदन फाइल गरिदिने नक्कली वकिललाई २० बर्ष जेल

प्रकाशित मिति : चैत्र ३१, २०७७ मंगलबार

सयौं एसाइलम आवेदन फाइल गरिदिने नक्कली अध्यागमन वकिललाई २० बर्ष ८ महिनाको जेल सजाय सुनाइएको छ । फ्लोरिडा निवासी ५६ बर्षका एल्भिस रेयसले जालसाजी गरेको पुष्टी भएपछि उक्त सजाय सुनाइएको हो ।

उनले सयौं नक्कली एसाइलमका आवेदनहरु फाइल गरिदिएको र आफू लाइसेन्स प्राप्त कानून व्यवसायी नभएपनि लाइसेन्सप्राप्त अधयागमन वकिलका रुपमा आफूलाई प्रस्तुत गर्दै काम गरेको अदालती कागजातमा जनाइएको छ । उनले गत डिसेम्बर १५ मा अदालतसमक्ष आफ्नो गल्ती स्वीकार गरेका थिए ।

इएचआर मिनिस्टर्स इन्क नामको कम्पनी खोलेर उनले जालसाजीपूर्ण काम गर्दै आएका थिए । फ्लोरिडामा ड्राइभर लाइसेन्स र वर्क परमिट खोजिरहेका स्पानिस बोल्ने देशहरुका कागजपत्रविहिनलाई उनले आफ्ना ग्राहक बनाउँदै आएका थिए ।

उनले ग्राहकहरुलाई गलत कानूनी र अध्यागमन सल्लाहहरु दिने गरेको जनाइएको छ । ग्राहकहरुले उनलाई युएससीआईएस समक्ष प्रतिनिधित्वका लागि समेत रकम तिरेको खुलासा भएको छ । उनले एसाइलमका नक्कली कथा बनाइदिने र फाइल गरिदिने गरेको तथा त्यसबापत मोटो रकम लिने गरेको खुलासा भएको हो ।

उनले कुल २२५ आवेदन फाइल गरेको र त्यसवापत ४ लाख डलर भन्दा बढी रकम लिएको जनाइएको छ । उनले सो रकम यात्रा, लक्जरी किनमेल, स्पा, गहना र गर्लफ्रेण्डका लागि खर्च गरेको जनाइएको छ ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com