अमेरिकी भिसाबारे विदेश मन्त्रालयको नयाँ अपडेट, ब्याकलग घटाउन काम गरिरहेको जानकारी

प्रकाशित मिति : चैत्र २५, २०७७ बुधबार

अमेरिकी विदेश मन्त्रालय ब्यूरो अफ कन्सुलर अफेयर्सले भिसा सेवाबारे नयाँ अपडेट सार्वजनिक गरेको छ । कोरोनाको महामारीका कारण नियमित भिसा सेवा सुचारु हुन नसकेको अवस्थामा आप्रवासी र गैर आप्रवासी भिसामा ब्याकलग बढेको जानकारी दिदै ब्याकलग घटाउन काम गरिरहेको जानकारी दिइएको छ ।

त्यस्तै विदेशमा रहेका अमेरिकी नागरिकका लागि प्रदान गरिने सेवालाई सबैभन्दा बढी प्राथमिकतामा राखिएको अमेरिकी विदेश मन्त्रालय ब्यूरो अफ कन्सुलर अफेयर्सले जनाएको छ । त्यस्तै दूतावास र कन्सुलेटको क्षमता अनुशार मंगेतर भिसा, दम्पत्ति र छोराछोरीहरुको भिसा, परिवारमा आधारित अन्य भिसालाई उच्च प्राथमिकता दिइएको स्पष्ट पारिएको छ ।

राष्ट्रपति ट्रम्पको कार्यकारी आदेश ९६४५ र ९९८३ अनुशार पहिले अस्वीकृत भएका कामदार भिसालाई पनि दूतावास र कन्सुलेटहरुले प्राथमिकतामा राखेको अपडेटमा जनाइएको छ । अमेरिकी विदेश मन्त्रालयले विश्वब्यापी भिसा सेवाको सन्दर्भमा पारदर्शी रहेको र नियमित अपडेटहरु गराइरहने विदेश मन्त्रालयले जनाएको छ ।

आप्रवासी भिसा प्रकृयामा रहेको ब्याकलगबारेका विवरण भविश्यमा सार्वजनिक रुपमा नै उपलब्ध गराइने भएको छ । गैरआप्रवासी भिसाहरु प्रकृयामा लगिरहेका दूतावास र कन्सुलेटहरुले जरुरी आवश्यकताभएका यात्रुहरु, विदेशी कूटनीतिज्ञहरु र महामारीबिरुद्ध काम गर्न अमेरिकामा आउने बर्गकाहरुलाई भिसा प्राथमिकतामा राखिएको जनाइएको छ ।

त्यसपछि विद्यार्थी, एक्सचेन्ज भिजिटर र अस्थायी कामदार भिसालाई पनि प्राथमिकता दिइएको अमेरिकी विदेश मन्त्रालय ब्यूरो अफ कन्सुलर अफेयर्सको भनाई छ । वर्तमान ताजा अवस्थाबारे जानकारीका लागि नजिकको दूतावास वा कन्सुलेटको वेवसाइट हेर्न सुझाव दिइएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com