एसाइलमका फर्मभर्दा २०१९ अक्टोबर अगाडिकै नियम, लाइन खाली छाड्दैमा अस्वीकार नगरिने

प्रकाशित मिति : चैत्र १९, २०७७ बिहीबार

अमेरिकामा युएससीआईएसले एसाइलमका वा देशनिकाला रोक्ने फर्म आई ५८९ भर्दा अब सन् २०१९ को अक्टोबरभन्दा अगाडि कै नियम लागु गरेको छ । २०१९ को अक्टोबरमा युएससीआईएसले फर्म अस्वीकार गर्ने मापदण्ड विस्तार गरेर आवेदकले कुनै प्रश्नको जवाफ खाली राखेको खण्डमा पनि आवेदन फर्म अस्वीकार गर्दै आएको थियो ।

तर अब भने आवेदकले आवेदकले कुनै प्रश्नको जवाफ खाली राखेको खण्डमा युएससीआईएसले आवेदन फर्म अस्वीकार नगर्ने भएको छ । एसाइलमको फर्म आई ५८९का साथमा विदेशमा आवासीय अनिवार्यताको मापदण्डका लागि छुट दिने फर्म आई ६१२ र यु भिसाको फर्म ९१८ का सन्दर्भमा पनि यही नियम लागु गरिएको छ ।

तर भर्नैैपर्ने लाइनहरु नभरेर खाली राखेको खण्डमा, फाइलिङ सम्बन्धित प्रश्नहरुको जवाफ दिन नसकेको खण्डमा र कुनै प्रारम्भिक कागजात नै छुटाएको खण्डमा भने युएससीआईएसले फर्म अझै पनि अस्वीकार गर्नसक्ने स्पष्ट पारेको छ । त्यसैले युएससीआईएसका फर्महरु भर्दा राम्रोसँग फर्म भर्न सिकाइएका फर्महरु पनि पढ्न आवश्यक हुन्छ ।

युएससीआईएसले हस्ताक्षर नभएका, उपयुक्त शुल्क नभएका, मान्यताप्राप्त नगरेका तेश्रो पार्टीले आवेदकका तर्फबाट हस्ताक्षर गरेका लगायतका आवेदनहरु पनि अस्वीकार गर्दै आएको छ । त्यसैले सुरुमा नै सबै विवरणहरु ठीक तरिकाले उल्लेख गरेर पठाउन युएससीआईएसले सचेत गराउदै आएको छ ।

युएससीआईएसमा कैयन फर्महरु अनलाइनमा नै उपलब्ध छन् । अनलाइनमा उपलब्ध फर्महरु अनलाइनबाटै भरेर सब्मिट गर्दा साधनश्रोतको बचत हुने र युएससीआईएससँग सम्पर्क गर्न तथा थप कागजात पठाउन समेत सहज हुने गर्छ । साथै त्यस्ता आवेदनका सन्दर्भमा युएससीआईएसका निर्णय र पत्राचार अनलाइनबाट समेत प्राप्त गर्न सकिने भएकाले पत्रहरु हराउने सम्भावना समेत रहदैन ।

‘युएससीआईएसका फर्म भर्दा निलो, रातो वा अन्य रंगको मसी प्रयोग नगर्नुहोला’

अमेरिकी नागरिकता लगायतका युएससीआईएसका कैयन फर्महरु अनलाइनमा उपलब्ध छन् । अनलाइनमा फर्म भरेर अनलाइनबाटै शुल्क समेत तिर्न सकिन्छ । तर तपाईले कागजी फर्म भरेर पनि युएससीआईएसका कैयन आवेदनहरु हुलाकबाट पठाउन सक्नुहुन्छ ।

कागजी फर्म भर्दा पनि कम्प्युटरमा टाइप गरेर भर्न सकिन्छ । त्यसपछि प्रिन्ट गरेर हस्ताक्षर गरेर पठाउन सकिन्छ । तर तपाईले हातैले फर्म भर्न चाहनुहुन्छ भने जहिले पनि कालो मसीभएको कलम प्रयोग गर्नुपर्छ ।

फर्मभर्दा निलो, रातो वा अन्य रंगको मसी भएको कलम प्रयोग नगर्न युएससीआईएसले सुझाव दिएको छ । त्यस्तै सफा तरिकाले लेख्न र तोकिएको ठाउँभित्र जवाफ लेख्न समेत सुझाव दिइएको छ ।

फर्म भरिसकेपछि हस्ताक्षर गर्न अनिवार्य छ । हस्ताक्षर नगरिएका फर्महरु युएससीआईएसले अस्वीकृत गर्दै आएको छ । कागजी फर्म भर्दा फर्मको पछिल्लो भर्सन प्रयोग गर्नुपर्छ । पुरानो भर्सन प्रयोग गरिएको खण्डमा समेत त्यस्तो आवेदन अस्वीकृत हुनसक्छ ।

हाइलाइटर वा टिपेक्सको प्रयोग गर्नुहुँदैन । युएससीआईएसले प्रयोग गर्ने स्क्यानरले ग्रेआउट गरिएको, हाइलाइट गरिएको वा टिपेक्स लगाइएको विवरण राम्रोसँग पढ्न नसक्ने जनाइएको छ । फर्म भर्दा कुनै गल्ती भएमा नयाँ फर्म प्रयोग गर्न युएससीआईएसले सुझाव दिएको छ ।

आवेदन कागजको एकातर्फमात्र प्रिन्ट गर्न युएससीआईएसले सुझाव दिएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com