ओली पक्षको संसदीय बोर्डमा माधव नेपाल र झलनाथ खनाल पनि
प्रकाशित मिति : चैत्र ५, २०७७ बिहीबार
नेकपा एमालेको ओली पक्षले वरिष्ठ नेताहरु माधवकुमार नेपाल र झलनाथ खनाललाई समेत समेटेर संसदीय बोर्ड गठन गरेको छ।
प्रधानमन्त्रीनिवास बालुवाटारमा बसेको बैठकले प्रधानमन्त्री एवं संसदीय दलका नेता केपी ओली नेतृत्वको २४ सदस्यीय बोर्ड गठन गरेको हो।
बोर्डमा दलका उपनेता सुवास नेम्वाङ, प्रमुख सचेतक विशाल भट्टराई, सचेतक शान्ता चौधरी पदेन सदस्य रहनेछन्। अन्य सदस्यहरुमा झलनाथ खनाल, माधवकुमार नेपाल, सुमन प्याकरेल, विमला राई, खिमलाल भट्टराई, राधा ज्ञवाली, दामोदर भण्डारी, विन्दा पाण्डे, विद्या भट्टराई, राजेन्द्र राई, रेखा झा, शेरबहादुर तामाङ, छविलाल विश्वकर्मा, रघुवीर महासेठ, मोहन बानिया, नारदुमनी राना, उपेन्द्र थापा, खेम लोहनी, सरिता न्यौपाने र विमला विक छन्।
संसदीय दलको अर्को बैठक चैत ७ गते बिहान साढे १० बजे बस्ने तय भएको छ। सोही दिन एमालेले केन्द्रीय कमिटी बैठक राखेको छ।