ट्याक्स फाइल गर्दा यसरी प्राप्त गर्नुहोस् तपाईले नपाएको राहत चेक

प्रकाशित मिति : माघ १४, २०७७ बुधबार

कोरोना महामारी सम्बन्धि कुनै राहत प्राप्त गर्न सक्नुभएको छैन भने यसपटक ट्याक्स फाइल गर्दा तपाईले रकम प्राप्त गर्न सक्नुहुनेछ । साथै अर्नड इन्कम ट्याक्स क्रेडिट अधिकतम ६ हजार ६ सय ६० डलरसम्म र थप रिफण्डयुक्त चाइल्ड ट्याक्स क्रेडिट प्राप्त गर्न सक्नुहुनेछ ।

आइआरएसले आगामी फेब्रुअरी १२ देखि कागजी र विद्युतीय ट्याक्स फाइल स्वीकार्न सुरु गर्नेछ । तपाईको सन् २०२० को आम्दानी कम भएका कारण आईआएसएको नियम अनुशार ट्याक्स फाइल गर्न नपर्ने भएतापनि तपाईले यसपटक फरक कारणले ट्याक्स फाइल गर्न उचित हुनसक्छ ।

यदि तपाईले कोरोना महामारी सम्बन्धि कुनै राहत प्राप्त गर्न सक्नुभएको छैन भने यसपटक ट्याक्स फाइल गर्दा तपाईले त्यस्ता रकममा दावी गर्न सक्नुहुनेछ । महामारीका कारण केही ट्याक्सका नियमहरु फाइदाजनक भएका छन् ।

यदि तपाईले सन् २०२० मा एकल रुपमा बार्षिक ७५ हजारभन्दा कम, घरमुलीका रुपमा १ लाख १२ हजार ५ सय भन्दा कम र दम्पत्तिका रुपमा १ लाख ५० हजार भन्दा कम आम्दानी गर्नुभएको थियो र तपाईले सरकारबाट पाउने राहत चेक प्राप्त गर्नुभएको छैन भने तपाईले १२ सय डलर र ६ सय डलरका दुईवटा राहत चेक प्राप्त गर्ने उपयुक्त माध्यम ट्याक्स फाइल हो । यदि तपाईका डिपेन्डेन्ट बालबच्चाहरु रहेका छन् भने तपाईहले प्राप्त गर्ने रकम अझ बढी हुनेछ ।

यदि सन् २०२० मा तपाईले डिभोर्स गर्नुभएको थियो भने अवस्था फरक हुनसक्छ । डिभोर्स गरेको अवस्थामा गैर संरक्षक अभिभावकको नाममा पहिले नै चेक गएको थियो भने उक्त चेक आईआरएसलाई फिर्ता गर्नुू पर्दैन । तर बच्चा आफ्नो संरक्षणमा रहेको तर राहत रकम नपाएको पुष्टी गर्ने अभिभावकले भने बच्चाका तर्फबाट रकम प्राप्त गर्न सक्नेछन् ।

रकम प्राप्त गर्नका लागि तपाईले रिफण्डयुक्त रिकभरी रिबेट क्रेडिट दावी गर्नुपर्छ । त्यसपछि तपाईले रिफण्ड प्राप्त गर्नुपर्ने अवस्था भएमा उक्त रकम रिफण्डमा जोडिएर प्राप्त हुन्छ । ट्याक्स तिर्नुपर्ने अवस्था भएमा उक्त रकम घटाएर ट्याक्स रकम कम बनाइनेछ । यदि तपाईले आईआरएसलाई तिर्नुपर्ने रकमको तुलनामा राहतको रकम धेरै भएमा भने बाँकी रकम रिफण्डका रुपमा प्राप्त हुनेछ ।

तपाई अर्नड इन्कम ट्याक्स क्रेडिटका लागि पनि योग्य हुनसक्ने सम्भावन रहन्छ । तर त्यसका लागि तपाईसँग भएका बालबच्चाका आधारमा आम्दानीको थ्रेसहोल्ड तोकिएको हुन्छ ।

अर्नड इन्कम ट्याक्स क्रेडिटका लागि योग्य भए नभएको थाहा पाउन यहाँ क्लीक गर्नुहोला ।

सामान्यतया यदि तपाई बच्चा नभएका विवाहित दम्पत्ति हुनुहुन्छ भने तपाईको कुल आम्दानी सन् २०२० मा २१ हजार २१० भन्दा धेरै हुनुहुँदैन । तर तपाईका तीनवटासम्म बच्चा छन् भने ५६ हजार ८ सय ४४ डलरभन्दा कम आम्दानी हुनेहरु पनि योग्य हुनसक्छन् । यसमा आईआरएसका अरु मापदण्डहरु पनि पूरा गर्नुपर्छ ।

अर्नड इन्कम ट्याक्स क्रेडिटबारे थप जानकारीका लागि यहाँ हेर्नुहोला । 

यो क्रेडिट बच्चा नभएकाहरुले एकजनाले ५३८ डलरसम्म र बच्चा हुनेहरुले ६ हजार ६ सय ६० डलरसम्म प्राप्त गर्नसक्छन् । कोरोना महामारीबाट प्रभावितलाई बढी रकम प्रदान गर्न यो नियम केही ट्वीस्ट समेत गरिएको छ । अर्थात् तपाईले बढी क्रेडिट प्राप्त गर्न २०२० वा २०१९ मध्ये जुनसुकै बर्षको आम्दानीको आधार छनौट गर्न सक्नुहुनेछ ।

यदि तपाई रिफण्डयुक्त चाइल्ड ट्याक्स क्रेडिटका लागि योग्य हुनुहुन्छ भने पनि त्यस्तै नियम लागु हुनेछ ।

चाइल्ड ट्याक्स क्रेडिटका लागि योग्य भए नभएको थाहा पाउन यहाँ क्लीक गर्नुहोला ।

यदि साना व्यवसायीहरुले अनुदानमा रुपान्तरण भइसकेको पेचेक प्रोटेक्सन प्रोग्राम अन्तरगतको रकम प्राप्त गरेर विजनेश खर्चमा लगाएको भएमा आम्दानी बाहिरबाट भुक्तान गरेको सन्दर्भमा संघीय ट्याक्स रिटर्नमा त्यो खर्च घटाउन पाउनेछन् । मिनाहा दिइएको ऋण ट्याक्स फ्रि रकमका रुपमा रहनेछ ।

 

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com