बाइडेन राष्ट्रपति भएपछि सिमाबाट छिर्न पाइने आशामा हजारौंको लस्कर अमेरिकातर्फ
प्रकाशित मिति : माघ ३, २०७७ शनिबार
❒ लस्कर होण्डुरसबाट ग्वाटेमालातिर छिरेको र उक्त लस्करमा हजारौं
❒ बाइडेनले आफ्ना प्रतिबद्धताहरु पूरा गर्नुपर्ने माग, अमेरिकी सिमाक्षेत्रमा आइसकेपछि न्यानो स्वागत पाउने अपेक्षा
❒ ग्वाटेमाला र मेक्सिकोको सरकारले बाटैबाट फर्काउने संकेत
❒ खसोखासमा थप समाचारहरुका लागि यहाँ क्लीक गर्नुहोला ।
नवनिर्वाचित अमेरिकी राष्ट्रपति जो बाइडेनको सपथग्रहण नजिकिदै गर्दा मेक्सिको र अमेरिकाको सिमाक्षेत्रबाट अमेरिका छिर्न हजारौंको लस्कर अमेरिकातर्फ अगाडि बढेको छ । उक्त लस्कर होण्डुरसबाट ग्वाटेमालातिर छिरेको र उक्त लस्करमा एकहजारभन्दा धेरै व्यक्ति रहेको एपीले जनाएको छ ।
बाइडेनले आफ्ना प्रतिबद्धताहरु पूरा गर्नुपर्ने माग गर्दै उनीहरु उत्तरतर्फ अगाडि बढेका छन् । अमेरिकी सिमाक्षेत्रमा आइसकेपछि उनीहरुले न्यानो स्वागत पाउने अपेक्षा गरिरहेका छन् । ट्रम्प प्रशासनले शरणलाई निरुत्साहन गर्दै विभिन्न नियमहरुको घोषणा गरेको सन्दर्भमा बाइडेन प्रशासनमा उनीहरुले शरण पाउने अपेक्षा गरेका छन् ।
A new migrant caravan headed for the United States advances towards Guatemala from Naco, Honduras. pic.twitter.com/ZJczwy0civ
— The Hill (@thehill) January 15, 2021
बाइडेनले सिमा सुरक्षा र अध्यागमन लगायतका क्षेत्रमा ट्रम्प प्रशासनले ल्याएका कैयन नीतिहरु उल्टाउने प्रतिबद्धता जनाएका छन् । सिमाक्षेत्रमा एसाइलम खोज्नेलाई मेक्सिकोमा प्रतिक्षा गर्नुपर्ने ट्रम्प प्रशासनको नियमलाई पनि बाइडेनले खारेज गर्ने अपेक्षा गरिएको छ ।
ग्वाटेमालातिर आइरहेका आप्रवासीहरु कहाँसम्म आउन सक्छन् भन्नेबारे स्पष्ट छैन । किनभने उनीहरुलाई ग्वाटेमाला र मेक्सिकोको सरकारले फिर्ता पठाउने संकेत दिइसकेका छन् । त्यसैले उनीहरु मेक्सिको र अमेरिकाको सिमाक्षेत्रसम्म आइपुग्नमा भने समस्या रहेको छ ।
A group from the Central American migrant caravan forcefully push past border patrol in Guatemala. pic.twitter.com/5ALDRclVPI
— The Hill (@thehill) January 16, 2021
डोनाल्ड ट्रम्पका विभिन्न नीतिहरुका कारण सिमाक्षेत्रबाट प्रवेश गरेर एसाइलम खोज्नेहरुको संख्यामा गिरावट आएको थियो । बाइडेन प्रशासनको अवधिमा भने सिमाक्षेत्रबाट अमेरिका प्रवेश गरेर एसाइलम खोज्नेहरुको संख्यामा बढोत्तरी हुने अनुमान गरिएको छ ।
यसैबीच ग्वाटेमाला छिर्न खोज्नेहरु र सुरक्षाकर्मीहरुबीच सिमाक्षेत्रमा झडपहरु भएका छन् । उनीहरु गैरकानुनी रुपमा ग्वाटेमाला छिर्न खोज्दा झडप भएका हुन् । ग्वाटेमालाका सुरक्षाकर्मीहरुले परिवार र केटाकेटीहरु सहित सयौंलाई नियन्त्रणमा लिएका छन् ।