सुरक्षाको कारण देखाउँदै युएससीआईएसबाट जनवरी १९ र २० का सबै अप्वाइन्टमेन्ट रद्द
प्रकाशित मिति : माघ २, २०७७ शुक्रबार
❒ अप्वाइन्टमेन्ट लिएका व्यक्ति र युएससीआईएसका कर्मचारीहरुको सुरक्षालाई ध्यानमा राखेर युएससीआईएसका फिल्ड अफिसहरु, एसाइलम अफिसहरु, बायोमेट्रिक लगायतका सुविधा दिने एप्लीकेशन सपोर्ट सेन्टरहरुमा सबै अप्वाइन्टमेन्टहरु रद्द
❒ जनवरी १९ र २० मा अप्वाइन्ट तय भएकाहरुका लागि युएससीआईएसले अर्को अप्वाइन्टमेन्ट तय गरेर सुचित गर्ने, युएससीआईएसको वेवसाइट र सम्पर्क केन्द्रहरु भने सम्पर्कका लागि खुला नै रहने
❒ १३ लाख बायोमेट्रिक अप्वाइन्टमेन्ट पेन्डिङ, मार्चदेखि जुनसम्म व्यक्ति उपस्थीत हुने सेवाहरु स्थगित भएकाले अप्वाइन्टहरुको नयाँ मिति तय गर्नमा नै हम्मे हम्मे
❒ खसोखासमा थप समाचारहरुका लागि यहाँ क्लीक गर्नुहोला ।
युएससीआईएसले जनवरी १९ र २० का व्यक्ति उपस्थीत हुनुपर्ने सबै अप्वाइन्टमेन्ट रद्द गरेको छ । युएससीआईएसका फिल्ड अफिसहरु, एसाइलम अफिसहरु, बायोमेट्रिक लगायतका सुविधा दिने एप्लीकेशन सपोर्ट सेन्टरहरुमा सबै अप्वाइन्टमेन्टहरु रद्द गरिएको हो ।
अप्वाइन्टमेन्ट लिएका व्यक्ति र युएससीआईएसका कर्मचारीहरुको सुरक्षालाई ध्यानमा राखेर अप्वाइन्टमेन्टहरु रद्द गरिएको युएससीआईएसले जनाएको छ । नवनिर्वाचित अमेरिकी राष्ट्रपति जो बाइडेनको सपथग्रहणको दिन र पूर्वसन्ध्यामा शान्ति सुरक्षाको अवस्थालाई मध्यनजर गरेर अप्वाइन्टमेन्ट स्थगित गरिएको हो ।
जनवरी १९ र २० मा अप्वाइन्ट तय भएकाहरुका लागि युएससीआईएसले अर्को अप्वाइन्टमेन्ट तय गरेर सुचित गर्नेछ । नयाँ अप्वाइन्टमेन्टको मितिसहित उनीहरुले युएससीईएसबाट अनलाइनमा वा हुलाकमार्फत सुचना प्राप्त गर्नेछन् ।
युएससीआईएसको वेवसाइट र सम्पर्क केन्द्रहरु भने सम्पर्कका लागि खुला नै रहने युएससीआईएसले जनाएको छ । आफ्नो केसको अवस्था जाँच लगायतका अन्य अनलाइन टुलहरु पनि उपलब्ध हुने जनाइएको छ ।
कोरोनाको महामारीका कारण युएससीआईएसले पहिले नै रद्द गरेका अप्वाइन्टहरु अझै पुन तय गर्ने काम पूरा गरेको छैन । यो अवस्थामा जनवरी १९ र २० का लागि तय भएका हजारौं अप्वाइन्टमेन्टहरु रद्द हुँदा सेवाग्राहीहरु अन्यौलमा परेका छन् ।
हालैमात्र युएससीआईएसले १३ लाख बायोमेट्रिक अप्वाइन्टमेन्ट पेन्डिङ रहेको र सबैको मिति तय गर्न ४ महिनासम्म लाग्नसक्ने जनाएको थियो । कोरोनाको महामारीका कारण मार्चदेखि जुनसम्म व्यक्ति उपस्थीत हुने सेवाहरु स्थगित भएकाले उक्त अवधिका अप्वाइन्टहरुको नयाँ मिति तय गर्नमा नै युएससीआईएसलाई हम्मे हम्मे परिरहेको छ ।
महामारीका कारण युएससीआईएसमा बायोमेट्रिक अप्वाइन्टमेन्टको भयानक ब्याकलग श्रृजना भएको छ । मार्चदेखि जुनसम्म पहिले नै मिति तय भएका झण्डै २ लाख ८० हजार बायोमेट्रिक अप्वाइन्टमेन्टहरु रद्द गर्नुपरेकाले र त्यसपछि पनि कोरोनाको महामारी कारण पूर्ण क्षमतामा काम गर्न नसकेकाले कैयन आवेदकको बायोमेट्रिक अप्वाइन्टमेन्टको मिति आउन ढिलो भइरहेको छ ।
जुलाईपछि आंशिक क्षमतामा काम सुरु गरेपनि सामाजिक दुरीको मापदण्ड, स्थानीय आदेशहरु, खराब मौषम र सरसफाईका कारण सेवा प्रभावित भएको छ ।
सेप्टेम्बरसम्म युएससीआईएसका एप्लीकेशन सपोर्ट सेन्टरहरुले ५० प्रतिशत क्षमतामामात्र काम गरेको र त्यसपछि ६५ प्रतिशत क्षमतामा काम गरेको जनाइएको छ । युएससीआईएसले अहिले सम्भव भएसम्म आवेदकका पूरानै बायोमेट्रिक प्रयोग गरेर नयाँ बायोमेट्रिकका लागि उपस्थीत हुन नपर्ने सुचनाहरु पठाइरहेको छ । पूरानै बायोमेट्रिक प्रयोग भएकाहरुका सन्दर्भमा आई ७९७ सुचना पठाएर जानकारी दिइएको छ । उपस्थीत हुनैपर्नेहरुका बायोमेट्रिक अप्वाइन्टमेन्टको मिति दिने गरिएको छ ।
अहिले महामारीका कारण रद्द भएका बायोमेट्रिक अप्वाइन्टमेन्टका सन्दर्भमा नयाँ मिति दिने काम समेत पूरा नभएको युएससीआईएसले जनाएको छ । हरेक दिन औषतमा १० हजार ४ सयको बायोमेट्रिक अप्वाइन्टमेन्ट तय गरिएको युएससीआईएसले स्पष्ट पारेको छ । यही दरमा बायोमेट्रिक अप्वाइन्टमेन्ट दिंदासमेत डिसेम्बर मध्यसम्म अप्वाइन्टमेन्ट नपाएकाहरुले अप्वाइन्टमेन्टको मिति पाउन ४ महिनासम्म लाग्नसक्ने देखिएको छ ।
बायोमेट्रिक अप्वाइन्टमेन्टहरु सुविधाको प्राथमिकताको आधारमा समेत तय गरिएको युएससीआईएसले जनाएको छ । कस्तो प्रकारको आवेदन हो, ती आवेदनमा पहिले प्राप्त भएको आवेदनको बायोमेट्रिक अप्वाइन्टमेन्ट पहिले दिने गरिएको जनाइएको छ । अप्वाइन्टमेन्टको प्रतिक्षा अवधि भूगोल र सपोर्ट सेन्टरको क्षमता अनुशार हुने जनाइएको छ ।
कोरोनाको महामारीका कारण सेनाको आवेदन र मुख्य आवेदकको अप्वाइन्टमेन्ट तय भएका परिवारका सदस्यका सन्दर्भमा बाहेक अन्य आवेदनका सन्दर्भमा विना अप्वाइन्टमेन्ट वाकइन बायोमेट्रिक संकलन गर्न नसकिने युएससीआईएसले जनाएको छ ।
ग्रिनकार्ड नविकरणको आवेदन दिएकाहरुलाई पनि बायोमेट्रिकको मिति दिनमा समस्या भएपछि जनवरीदेखि ग्रिनकार्ड नविकरणको नयाँ प्रकारको रिसिप्टले म्यादसकिएको १२ महिनासम्म ग्रिनकार्डको काम गर्ने प्रावधान ल्याइएको छ । युएससीआइएसले जनवरीदेखि ग्रिनकार्डको नविकरण आवेदनमा नयाँ प्रकारको रिसिप्ट जारी गर्ने जनाएको छ ।
युएससीआईएसले जारी गर्ने नयाँ प्रकारको रिसिप्टले आवेदकको पुरानो ग्रिनकार्डसँगै ग्रिनकार्डको म्याद सकिएको १२ महिनासम्म अमेरिकाको स्थायी बासिन्दाका रुपमा अस्थायी प्रमाणका रुपमा काम गर्ने भएको छ । ग्रिनकार्डको म्याद अगाडि पट्टीको भागमा उल्लेख गरिएको हुन्छ ।
अब ग्रिनकार्डको नविकरण वा पुनस्थार्पनाका लागि आवेदकले आई ९० फर्म भरिसकेपछि युएससीआईएसले आवेदन प्राप्त भएको ७ देखि १० दिनपछि हुलाकमार्फत नयाँ प्रकारको रिसिप्ट नोटिस अर्थात् आई ७९७ पठाउने भएको छ । उक्त रिसिप्ट नोटिस विशेष प्रकारको सुरक्षित कागजमा प्रिन्ट गरेर पठाइने युएससीआईएसले जनाएको छ ।
यही रिसिप्ट नोटिसले ग्रिनकार्डवाहक भएको प्रमाणका रुपमा मात्र काम गर्ने नभई अमेरिकामा काम गर्नका लागि वर्क परमिटका रुपमा समेत काम गर्नेछ । साथै अमेरिकाबाहिर यात्रा गरेर अमेरिका फर्कनका लागि समेत प्रमाणका रुपमा काम गर्नेछ । तर अमेरिकाबाहिरबाट अमेरिका फर्कदा भने यो रिसिप्टका साथमा एक्सपायर भएको ग्रिनकार्ड समेत पेश गर्नुपर्नेछ ।
अबदेखि ग्रिनकार्डको म्याद सकिन लागेका आवेदकहरुले ग्रिनकार्ड नविकरणका लागि आवेदन दिइसकेपछि बायोमेट्रिक अप्वाइन्टमेन्टका बेलामा एप्लीकेशन सपोर्ट सेन्टरबाट भने स्टीकर प्राप्त गर्ने छैनन् । यो स्टीकरले ग्रिनकार्डको म्याद सकिएका ग्रिनकार्डवाहकलाई समेत ग्रिनकार्डवाहक भएको अस्थायी प्रमाणको रुपमा काम गर्दै आएको थियो ।
पहिले नै बायोमेट्रिक अप्वाइन्टमेन्ट तय भइसकेका आवेदकका सन्दर्भमा भने पुनरावलोकन गरिएको नयाँ प्रकारको रिसिप्ट प्राप्त नगर्ने जनाइएको छ । उनीहरुले ग्रिनकार्डवाहकका रुपमा अस्थायी प्रमाणको स्टीकर बायोमेट्रिक अप्वाइन्टमेन्टकै बेलामा प्राप्त गर्नेछन् ।
कोरोना महामारीका कारण युएससीआईएसले १३ लाख भन्दा बढी आवेदकलाई बायोमेट्रिक अप्वाइन्टमेन्ट पठाउन नसकेको सन्दर्भमा नयाँ प्रावधान ल्याइएको हो । नयाँ प्रावधान अनुशार अब आवेदकले म्याद सकिएका ग्रिनकार्डमा यात्रा गर्नका लागि ग्रिनकार्डवाहक भएको अस्थायी प्रमाणका रुपमा दिइने नयाँ स्टीकरका लागि बायोमेट्रिक अप्वाइन्टमेन्ट कुनुपर्ने छैन ।