हङकङमा नेपालीले चलाएको रेष्टुरेन्ट आगलागीमा मृत्युहुने ७ नेपालीको सनाखत
प्रकाशित मिति : मंसिर २, २०७७ मंगलबार
हङकङमा नेपालीले सञ्चालन गरेको एक रेष्टुरेन्टमा आगलागीमा मृत्यु हुनेको संख्या ११ पुगेको छ । याउमातेइस्थित रेष्टुरेन्टमा भएको आगलागीमा मृत्यु भएका ११ जनामध्ये सात नेपाली छन् । अन्य ९ जना घाइते भएका छन् ।
आगोमा ३८ वर्षीय युवराज कँडेल, १३ वर्षीया कृतिका कँडेल, ३५ वर्षीय राजबाबु नेपाल, ९ वर्षीय रियान नेपाल र ३९ वर्षीय शेरबहादुर गुरुङ, ३२ वर्षीया अनिता निरौला र ४० वर्षीया विनिता तामाङको मृत्यु भएको बताईएको छ ।
आगोमा परेका केही व्यक्तिहरुलाई उद्धार गरिएको छ । जिरे खुर्सानी नामक सो रेष्टुरेन्टमा जन्मदिन मनाउने क्रममा बालिएको मैनबत्तीबाट आगोलागी भएको प्रहरीले जनाएको छ ।
घटनास्थल याउमातेइको क्यान्टोन रोड र साइगोन रोडको बीचमा पर्छ, जुन हङकङका नेपाली बसोबास गर्ने एउटा मुख्य क्षेत्र हो । हङकङमा यो पछिल्लो एक दशकयता भएको सबैभन्दा डरलाग्दो आगलागी भएको प्रहरीले जनाएको छ।
यी हुन् मृतक तथा घाइते :-
