बहराइनका राजकुमारसहितको टोली लोबुचे हिमालको चुचुरोमा
प्रकाशित मिति : आश्विन १७, २०७७ शनिबार
![](https://i0.wp.com/www.khasokhas.com/wp-content/uploads/2020/10/baharain.jpg?fit=1008%2C768&ssl=1)
बहराइनका राजकुमार सेख मोहम्मद हमाद मोहम्मद अल खलिफाको टोलीले सोलुखुम्बुस्थित लोबुचे हिमालको सफल आरोहण गरेका छन् । ६ हजार १ सय १९ मिटर अग्लो लोबुचे हिमाल आज बिहान ८ बजेर ५० मिनेटमा राजकुमारको टोलीले आरोहण गरेको हो ।
यो वर्ष नेपालका कुनै पनि हिमाल आरोहण भएको यो पहिलोपटक हो ।
राजकुमारसहित १८ जनाको टोली हिमाल चढ्न गत भदौ ३१ गते काठमाडौं आएको थियो । टोलीमा राजकुमार र १४ जना डिफेन्स फोर्स तथा तीन जना बेलायती नागरिक छन् ।
अब उनीहरुले गोरखाको मनास्लु हिमाल आरोहण गर्नेछन् ।