घरबाहिर दैनिक केही मिनेट हिड्ने व्यक्तिले काममा बढी ध्यान केन्द्रीत गर्नसक्छ: ब्रायन रोबिन्सन, पीएचडी
प्रकाशित मिति : आश्विन ७, २०७७ बुधबार
– ब्रायन रोबिन्सन, पीएचडी
दैनिक घरबाहिर केहीबेर हिडडुल गर्ने व्यक्तिले काममा बढी ध्यान केन्द्रीत गर्न सक्ने विभिन्न अध्ययनहरुले पुष्टी गरेको छ । आफ्नो कार्यस्थलमा कुनै पनि काममा रमाउनका लागि तपाईले सकेजति घरबाहिर प्राकृतिक स्थलहरुमा समय विताउने र हिड्ने गर्नुपर्छ ।
यदि तपाई काममा निकै डुब्ने गर्नुहुन्छ भने तपाई आफ्नो समय कोठाभित्र कार्यस्थलमा विताउने कुरामा कुख्यात हुनुहुन्छ । त्यसैले तपाईले काममा फोकस गर्नका लागि दैनिक केहीबेर बाहिर प्रकृतिमा हिड्ने बानी बसाल्नुपर्छ ।
वैज्ञानिकहरुका अनुशार घरबाहिर प्रकृतिमा विताउने समय तपाईको स्वास्थ्यलाई पुनर्जीवन दिने टिकट हो । दैनिक केबल २० मिनेटमात्र पार्कमा वा प्रकृतिसँग विताउँदा तपाईको इनर्जीको स्तरबृद्धि हुन्छ । साथै थकित मस्तिस्कलाई पनि उर्जा र ताजगी मिल्छ ।
यदि पार्कमा जान वा घरबाहिर निस्केर प्रकृतिको नजिक जान सम्भव नभएको खण्डमा झ्यालबाट भएपनि घरबाहिर प्रकृतिलाई नियाल्नुहोस् । केहीबेर झ्याल खोलेर बाहिर प्रकृतिको आनन्द लिनुहोस् ।
यदि तपाईले झ्याल खोलेर प्रकृतिको आनन्द लिने अवस्था छैन भने पनि जंगल, पानी, सूर्योदय, पार्क लगायतका दृश्यहरु तस्वीर वा भिडियोमा हेर्नुभयो भने पनि यसले तपाईको मुटुको गति कम गर्छ । स्वासप्रश्वासमा आनन्द आउँछ । र तपाईका मांशपेशीहरुलाई आराम दिलाउँछ ।
काममा व्यस्त हुने बेलामा समेत ५ मिनेट समय निकालेर एकैछिन बाहिर हिड्नुहोस् । वा बाहिर हिड्न मौषम खराब भएको खण्डमा घरकै सिढीमा तलमाथि गर्नुहोस् । व्यस्त सडकहरुको तुलनामा जंगलको बाटोमा हिड्दा तपाईले राम्रोसँग काम गर्नसक्ने र ध्यान केन्द्रीत गर्नसक्ने अध्ययनले देखाएको छ ।
त्यसैले कुनै पार्क खोज्नुहोस् वा प्रकृतिको मजा लिंदै खानेकुरा खानुहोस् । झरनाको नजिकमा गएर बस्नुहोस् । वा समय मिलेको खण्डमा चिडियाखानामा जानुहोस् । अनुहारमा हावाको झोक्का महसुस गर्नुहोस् । रंगहरु र फुल तथा पातहरुको सुगन्ध अनुभव गर्नुहोस् । कराइरहेका चराहरु र झ्याउकिरीप्रति ध्यान केन्द्रीत गर्नुहोस् । बगिरहेको पानीको आवाज सुन्नुहोस् ।
तपाईको मस्तिष्क रिचार्ज हुनेछ । काममा ध्यान केन्द्रीत हुनेछ ।
(डाक्टर ब्रायन रोबिन्सन मनोचिकित्सक लेखक हुन् । उनी अमेरिकाको नर्थ क्यारोलिनामा प्रोफेशर समेत हुन् । उनका अवार्ड विजेता २ वटा उपन्यास र ४० ननफिक्सन पुस्तकहरु प्रकाशित छन् । उनका पुस्तकहरु विभिन्न १५ वटा भाषामा अनुदित छन् ।)