अमेरिकाको कलाकार र एक्स्ट्राअर्डिनरी भिसा जारी गर्दाको निर्देशिकामा विस्तार
प्रकाशित मिति : आश्विन १, २०७७ बिहीबार
अमेरिकी सरकारको युएससीआईएसले अमेरिकाको कलाकार भिसा पी र एक्स्ट्राअर्डिनरी भिसा ओ का सन्दर्भमा निर्देशिकाका विस्तार गरेको छ । एक्स्ट्राअर्डिनरी भिसा ओ प्रदान गरिने गरिने योग्यताको मूल्यांकन सन्दर्भमा यो निर्देशिका जारी भएको हो ।
युएससीआईएसका अधिकारीहरुले भिसा स्वीकृत गर्दा कसरी आवेदकले सबै मापदण्डहरु पूरा गरेको छ भन्ने निर्धारण गर्नका लागि गाइडलाइन दिइएको छ । त्यस्तै आवेदकले चलचित्र क्षेत्र र टेलिभिजन उद्योगमा असाधारण उपलब्धीहरु हासिल गरेको कुरा प्रमाणित गर्ने समग्र अवस्थाको मूल्यांकन कसरी गर्ने भन्ने सन्दर्भमा पनि गाइडलाइन दिइएको छ ।
पोलीसी अलर्ट यहाँ पढ्नसक्नुहुनेछ ।
त्यसैगरी पी भिसामा आउनेहरुका सन्र्दभमा पनि युएससीआईएसले पहिलेको गाइडलाइनलाई थप व्यवस्थीत गरेको छ । त्यस्तै पी भिसामा आउनेहरुलाई सहयोगका लागि आउने अत्यवाश्यक कर्मचारीहरुका सन्दर्भमा समेत युएससीआईएसले पहिलेको निर्देशिकालाई समावेश गरेको छ ।
अमेरिकामा विज्ञान, कला, विजनेश, शिक्षा, खेल लगायतका क्षेत्रमा असाधारण क्षमता भएका व्यक्तिहरुलाई ओ वान भिसा प्रदान गरिदै आएको छ । त्यस्तै चलचित्र क्षेत्र र टेलिभिजन क्षेत्रमा असाधारण उपलब्धी गरेकाहरुलाई पनि ओ वान भिसा प्रदान गरिन्छ । अमेरिकामा अस्थायी रुपमा आफ्नो क्षमता वा उपलब्धी भएको क्षेत्रमा काम गर्न आउनुपरेमा यो भिसा लिन सकिन्छ । उनीहरुका लागि सहयोगी कर्मचारीहरुले ओ टु भिसा पाउन सक्छन् ।
पी भिसाका सन्दर्भमा भएको अपडेट यहाँ पढ्न सक्नुहुनेछ ।
त्यस्तै खेलाडी, प्रशिक्षक र मनोरञ्जन क्षेत्रमा काम गर्नेहरुले पी वान, पी टु र पी थ्री भिसा प्राप्त गर्नसक्छन् । यदि व्यक्ति असाधारण क्षमता वा योग्यताको छैन भने पनि यो श्रेणीको भिसा प्राप्त गरेर अमेरिकामा अस्थायी रुपमा काम गर्न सकिन्छ ।
ओ भिसाका सन्दर्भमा भएको अपडेट यहाँ पढ्न सक्नुहुनेछ ।