बलात्कार गरेको अभियोग लागेका वडाअध्यक्ष शाही जेल चलान
प्रकाशित मिति : श्रावण २४, २०७७ शनिबार
![](https://i0.wp.com/www.khasokhas.com/wp-content/uploads/2018/01/iStock_23227349_SMALL_crop.jpg?fit=800%2C533&ssl=1)
नाताले बहिनी पर्ने किशोरी बलात्कार गरेको अभियोग लागेका वडा अध्यक्ष जेल चलान भएका छन् । कालिकोटको खाँडाचक्र नगरपालिका–६ का वडा अध्यक्ष जगदिश शाही पूर्पक्षका लागि जेल चलान भएका हुन् ।
बैनी नाता पर्ने १६ वर्षीया किशोरीलाई बलात्कार गरेको आरोपमा पक्राउ परेका ५१ वर्षीय शाहीलाई जिल्ला अदालत कालिकोटले थुनामा राख्ने आदेश दिएकाे हाे ।
जबर्जस्ती करणी मुद्दामा प्रमाण बुझ्न समय लाग्ने भएकाले जिल्ला अदालतबाट पूर्ण फैसला नभएसम्म पूर्पक्षका लागि कारागार चलान गर्ने आदेश भएकाे कालिकोट जिल्ला अदालतका श्रेस्तेदार घिमिरेले बताए ।