कोरोना : गृहमन्त्रीको रिपोर्ट पनि नेगेटिभ
प्रकाशित मिति : श्रावण २४, २०७७ शनिबार
गृहमन्त्री रामबहादुर थापा ‘बादल’को कोरोना परीक्षण रिपोर्ट नेगेटिभ आएको छ । उहाँको विहिबार परीक्षणका लागि स्वाव संकलन गरिएको थियो । उहाँसँगै उहाँका सल्लाहकारहरुको पनि रिपोर्ट नेगेटिभ आएको छ ।
मन्त्री थापाका प्रेस सल्लाहकार किरण भट्टराईकाअनुसार कोरोना परीक्षण प्रतिवेदन शनिबार विहान आएको हो । मन्त्री थापाका राजनीतिक सल्लाहकार सुरेश सुवेदी ‘पथिक’ र सुरक्षा सल्लाहकार प्रा.डा. इन्द्रजीत राईको कोरोना परीक्षण रिपोर्ट पनि नेगेटिभ आएको भट्टराईले बताउनुभयो ।
दैनिकजसो मन्त्रालयमा विभिन्न पक्षसँग भेटवार्ता गर्नुपर्ने भएकाले कोरोना परीक्षणका लागि गत विहिबार स्वाव संकलन गरी परीक्षणका लागि पठाइएको प्रेस सल्लाहकार भट्टराईले बताउनुभयो ।