KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

न्युयोर्कमा महामारीपछिको सबैभन्दा ठूलो कम्युनिटी रक्तदान नेपाली समुदायबाट

प्रकाशित मिति : असार १५, २०७७ सोमबार

प्रवासी नेपाली एकता मञ्चको आयोजनामा न्युयोर्क र टेक्सासको डायलसमा एकै दिन रक्तदान कार्यक्रम गरिएको छ ।

न्युयोर्कको उडसाइडमा रहेको सत्यनारायण मन्दिरमा ९१ जनाले रक्तदान गरे । १ सय ३७ जना उपस्थीत रहेपनि अरु भने योग्य भएनन् ।टेक्सासमा १७ जनाले रक्तदान गरेका छन् ।

न्युयोर्कको कार्यक्रमको संयोजन संस्थाका केन्द्रीय सदस्य कृष्ण आचार्यले गरे भने टेक्सासको कार्यक्रमको संयोजन संस्थाका केन्द्रिय सदस्य सुशील क्षेत्रीले गरे ।

न्युयोर्कको रक्तदानमा अध्यक्ष टेक गुरुङ , महासचिव शंकर पन्त समेतको उपस्थिति रहेको थियो भने उनीहरुसहितले रक्तदान गरेका थिए । टेक्सासमा संस्थाका वरिष्ठ नेता भिम कार्की , कोषाध्यक्ष युवराज खनाल, ब्लड डोनर्स एसोसियसन अमेरिकाका शिव काफ्ले र पुर्व अध्यक्ष नन्द रेग्मी सहितले रक्तदान गरे ।

दुवै तर्फको रक्तदान कार्यक्रम एनआरएनए अमेरिकाका बोर्ड अफ डाइरेक्टर खिम बिक्रम भट्टराईले समन्वय गरेका थिए । न्युयोर्कको रक्तदानमा न्युयोर्क राज्यकी राज्यसभा सदस्य क्याटलिना क्रुज सहभागी भएर रक्तदातालाई धन्यवाद दिइन् ।

न्युयोर्कमा जनसम्पर्क समिति अमेरिकाका सभापती आनन्द विष्ट , एनआरएन अमेरिकाका उपाध्यक्ष बिआर लामा , आदिवासी जनजाती महासंघका अध्यक्ष लोक चेम्जोङ , विश्वभर रक्तदान अभियान संचालनको अभियान चलाउने र सर्वाधिक रक्तदान गर्ने अर्जुन मैनालीको सहभागिता रह्यो ।

त्यस्तै शेर्पा किदुगका अध्यक्ष उर्गेन शेर्पा , तामाङ संघ अमेरिकाका अध्यक्ष लक्यान लामा, एनआरएनए अभियन्ता संजिव श्रेष्ठ , शेर्पा संघ अमेरिकाका अध्यक्ष निमा शेर्पा , द गुरुङ सोसाइटीका अध्यक्ष विजय गुरुङ, मगर संघ अमेरिकाका अध्यक्ष कुलदिप राना मगर, युनाईटेड किरात राई अर्गनाईजेशन अफ अमेरिका अध्यक्ष मुना राई गुरुङ , एनआरएन न्युयोर्क च्याप्टरका अध्यक्ष रामहरी अधिकारी सहभागी रहे ।

कार्यक्रम व्यवस्थित भएको र व्लड सेन्टरको लक्ष्य भन्दा धेरैजनाले रक्तदान गर्न सफल भएको भन्दै व्लड सेन्टर डारेक्टर अशाद अव्वुदुलले खुशी व्यक्त गरे । न्युयोर्कमा कोरोनाको महामारीका समयमा यो नै सबै भन्दा ठुलो कम्युनिटी रक्तदान भएको उनले जानकारी दिए ।

कार्यक्रम सम्पन्न भैसकेपछि प्रवासी नेपाली एकता मंचका अध्यक्ष टेक गुरुङ , कार्यक्रम संयोजकहरु कृष्ण आचार्य र सुशील क्षेत्री सहित संस्थाका पदाधिकारीदेखि केन्द्रिय सदस्यहरु समेतले रक्तदाता र स्वयमसेवकहरुलाई धन्यवाद दिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com