बेलायतमा कोरोना संक्रमणबाट थप एक सयको मृत्यु
प्रकाशित मिति : असार १३, २०७७ शनिबार
बितेको २४ घन्टाभित्र बेलायतमा कोरोना भाइरस (कोभिड १९) संक्रमणबाट थप एक सय जनाको मृत्यु भएको ‘डिपार्टमेन्ट अफ हेल्थ एण्ड सोसल केयर’ ले जानकारी दिएको छ ।
यो संख्या शनिबार हुने मृत्युमध्ये लकडाउन यताकै सबैभन्दा न्यून भएको बताइएको छ ।
योसंगै बेलायतमा कोरोना संक्रमणबाट मृत्यु हुनेको संख्या ४३ हजार ५ सय १४ पुगेको छ ।
२४ घन्टामा थप ८ सय ९० जना नयाँ संक्रमित थपिएका छन् । त्यस्तै कूल संक्रमितको संख्या ३ लाख १० हजार २ सय ५० पुगेको छ ।
बेलायत सरकारले संक्रमण घट्दै गएपछि लकडाउन समेत क्रमशः खुकुलो पार्दै लगेको छ ।
आगामी साता ४ जुलाइदेखि इंग्ल्याण्डमा पब, रेष्टुरेन्ट, कपाल काट्ने सैलुन जस्ता व्यवसाय खुल्ने तयारीमा छन् ।