सुशान्तको पोष्टमार्टम रिपोर्ट सार्वजनिक, भिसेरा रिपोर्ट आउन बाँकी
प्रकाशित मिति : असार ११, २०७७ बिहीबार
बलिउड अभिनेता सुशान्तसिंह राजपुतको पोस्टमार्टम रिपोर्ट सार्वजनिक भएको छ । निधन भएको ११ दिनपछि सार्वजनिक रिपोर्टमा सुशान्तले पासो लगाएका कारण श्वास फेर्न नसकेर मृत्यु भएको देखिन्छ । पोस्टमार्टम रिपोर्ट पाँच डाक्टरले विश्लेषण गरेका थिए ।
मुम्बई प्रहरीका अनुसार अब भिसेरा रिपोर्ट आउन बाँकी छ । कुनै व्यक्तिको मृत्युपश्चात् उसको शरीरको महत्त्वपूर्ण अंग लिएर गरिने जाँचलाई भिसेरा परीक्षण भनिन्छ ।
सुशान्तको परिवारले हत्या भएको आशंका गर्दै आएका छन् । तर पोस्टमार्टम रिपोर्टले भने त्यस्तो देखाएको छैन। प्रहरीले सुशान्तको परिवार, साथी, म्यानेजर, टीमका सदस्य, घरमा काम गर्ने स्टाफ, प्रेमिका रिया चक्रवर्तीसहित २३ जनासँग बयान लिइसकेको छ । एजेन्सी
