मेक्सिकोमा ७.४ म्याग्निच्युडको भूकम्प
प्रकाशित मिति : असार ९, २०७७ मंगलबार
मेक्सिकोमा मंगलबार शक्तिशाली भूकम्प गएको छ । मेक्सिकोको ओक्साका राज्यमा गएको सो भूकम्पको क्षति विवरण भने आइसकेको छैन । अमेरिकाको भूगर्भ विभागले ७.४ म्याग्निच्युडको भूकम्पको गएको जनाएको छ । भूकम्प यति तिव्र गतिमा गएको थियो कि भवनहरु तिव्र गतिमा हल्लिएका थिए भने हज्जारौं मानिसहरु घर बाहिर निस्किएका थिए ।
भूकम्पको केन्द्रबिन्दु ओक्साका छेउको प्रशान्त महासागरको तटमा परेको जनाइएको छ । यसअघि सन् २०१७ मा पनि त्यहाँ २ पटक भूकम्प गएको थियो । त्यसबेला सेप्टम्बर ८ मा ८.१ म्याग्निच्युडको भूकम्प गएको थियो । सो भूकम्पमा परे र १५० जनाको ज्यान गएको थियो । सोही वर्ष दोश्रो पटक सेप्टेम्बर २० मा ७.१ म्याग्निच्युडको भूकम्प गएको थियो । उक्त भूकम्पमा ५ सयभन्दा बढीको ज्यान गएको थियो । त्यसबेला भने जताततै विनाशका दृष्यहरु देखिएका थिए ।