शीघ्र प्रकृया सुचारु : निश्चित ग्रिनकार्डका लागि आई १४० आवेदनको फैसला १४ दिनमा


प्रकाशित मिति : जेष्ठ १६, २०७७ शुक्रबार

युएससीआईएसले जुन १ देखि रोजगारमा आधारित ग्रिनकार्ड प्राप्त गर्नका लागि दिइने आप्रवासी आवेदन आई १४० को फैसला १४ दिनमा प्रदान गर्नका लागि शीघ्र प्रकृया सुचारु गर्ने भएको छ । रोजगारमा आधारित ग्रिनकार्ड प्राप्त गर्नका लागि आई १४० आवेदन स्वीकृत हुन जरुरी छ ।

यो आवेदन नियमित प्रकृयाबाट पनि दिन सकिन्छ । तर नियमित प्रकृयाबाट आवेदन दिंदा लामोसमय लाग्ने भएकाले १४ दिनभित्र निर्णय चाहनेले शीघ्र प्रकृयाको विधि अपनाउन सक्छन् । त्यसका लागि फर्म आई ९०७ भर्न जरुरी हुन्छ । शीघ्र प्रकृयाका लागि अनुरोध गर्दा अतिरिक्त १४४० डलर तिनुपर्छ ।

त्यस्तै जुन ८ देखि युएससीआईएसले गैरआप्रवासी कामदार भिसाका लागि फाइल गरिने फर्म आई १२९ आवेदनमा पनि शीघ्र प्रकृया सुरु गर्नेछ । तर पहिलो चरणमा जुन ८ भन्दा अगाडि फाइल गरिएका आई १२९ आवेदनका लागिमात्र शीघ्र प्रकृया सुरुवात गरिनेछ ।

त्यस्तै जुन १५ पछि युएससीआईएसले जुन ८ पछाडि फाइल गरिएका आई १२९ आवेदनका लागि शीघ्र प्रकृया सुरुवात गर्ने योजना बनाएको छ भने जुन २४ पछि अन्य प्राय सबै आई १२९ आवेदनका लागिमात्र शीघ्र प्रकृया सुरुवात गर्ने युएससीआईएसको योजना रहेको छ ।

गत मार्च २० मा कोरोनाको महामारीका कारण युएससीआईएसले आई १२९ र आई १४० आवेदनमा शीघ्र प्रकृया स्थगित गरेको थियो । मार्च २० भन्दा अगाडि शीघ्र प्रकृयाका लागि आवेदन दिएका तर कुनै निर्णय वा रिफण्ड नपाएका आवेदकले शीघ्र प्रकृयाका लागि पुन फाइल गर्नसक्ने जनाईको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com