KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

संसदले फण्ड नदिए अमेरिकाको अध्यागमन प्रणाली ठप्प हुने, कर्मचारीलाई विदा दिने तयारी

प्रकाशित मिति : जेष्ठ १३, २०७७ मंगलबार

अमेरिकामा भिसा, ग्रिनकार्ड, नागरिकता, एसाइलम लगायतका अध्यागमनबारेको सेवा प्रदान गर्ने संघीय एजेन्सी युएससीआईएसले अमेरिकी संसदबाट आपतकालिन फण्ड प्राप्त नभए आफ्ना कैयन कर्मचारीहरुलाई वेतलवी विदा दिने भएको छ । संसदबाट फण्ड प्राप्त नभए जुलाई २० पछि कैयन कर्मचारीहरुलाई वेतलवी विदा दिनुपर्ने अवस्था आउने युएससीआईएसका नीतिका लागि डेपुटी डाइरेक्टर जोसेफ एड्लोले जनाएका छन् ।

उनले मंगलबार नै कर्मचारीहरुलाई उक्त कुराको सुचना सहित पत्र पठाइसकेका छन् । यो महिनाको सुरुतिर बजेट अभाव भएको भन्दै युएससीआईएसले १ दशमलव २ बिलियन रकम संसदसमक्ष माग गरेको थियो । युएससीआइएसमा सरकारी कर्मचारी र ठेकेदारहरु गरी झण्डै १९ हजार कार्यरत छन् ।

रकम प्राप्त नभए युएससीआईएसका हजारौं कर्मचारी वेतलवी विदामा जाने भएका छन् । यो फण्डलाई अर्को कोरोनाभाइरस राहत बिलमा समावेश गराउने लक्ष्य लिइएको छ । तर अर्को बिलबारे सांसदहरुबीच सहमति कायम भइसकेको छैन ।

युएससीआईएसको अधिकांश काम सेवाग्राहीको शुल्कबाट चल्ने भएकाले फण्ड प्राप्त नभएको अवस्थामा समेत सुचारु हुने गर्छ । सरकार शटडाउन भएको अवस्थामा समेत युएससीआईएसले काम गर्दै आएको छ । तर अहिले भने कोरोनाको महामारीका कारण युएससीआईएसमा व्यक्ति उपस्थीत हुनुपर्ने बायोमेट्रिक, अन्तरवार्ता र नागरिकता वितरण लगायतका सेवाहरु स्थगित गरिएका छन् ।

कोरोनाको महामारीका कारण युएससीआईएसको आम्दानीमा नाटकीय कमी आएको र संसदसमक्ष एकपटकको लागि आपतकालिन रकम मागिएको युएससीआईएसका प्रवक्ताको भनाई छ । आफूहरुको लक्ष्य मुलुकको कानी अध्यागमन प्रणालीलाई सुचारु राख्नु र अमेरिकी जनतालाई संरक्षण गर्नु रहेको युएससीआईएसका प्रवक्ताको भनाई छ ।

जुन ४ पछि युएससीआईएसले काम कारवाही सुचारु गर्ने बताएपनि रकम अभाव भएमा त्यसको झण्डै डेढमहिनापछि कर्मचारीहरुलाई बेतलवी विदा दिनुपर्ने अवस्था आउने भएको छ । युएससीआईसले मंगलबार एजेन्सीको युनियनलाई समेत सम्भावित वेतलवी विदाबारे जानकारी दिइसकेको छ ।

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com