परिवारका एकजनाभन्दा धेरैको भिसा थपको आवेदन अनलाइनबाट महँगो, कागजी आवेदन सस्तो


प्रकाशित मिति : बैशाख ३०, २०७७ मंगलबार

अमेरिकाका विभिन्न गैरआप्रवासी भिसामा आउनुभएको छ र कोरोनाको महामारीका कारण फर्कन नसक्दा भिसामा आई ९४ को अवधि समाप्त हुन लागेको छ भने तपाईले भिसा थपका लागि आवेदन दिन आवश्यक छ । तर भिसा आवेदन दिनुपर्ने व्यक्ति परिवारमा एकजनाभन्दा धेरै भएको खण्डमा भने तपाईले विशेष सावधानी अपनाउनुपर्ने हुन्छ ।

आवेदन दिने टिप्सहरु यहाँ पनि हेर्न सक्नुहुनेछ ।

यदि भिजिटर लगायत गैरआप्रवासी भिसाको अवधि थपका लागि आवेदन दिनुपर्ने व्यक्ति एकजना भन्दा धेरै भएमा अर्थात् सहआवेदक समेत भएको खण्डमा तपाईले कागजी फर्म भरेर हुलाकमार्फत पठाएर आवेदन दिएमा सस्तो पर्नेछ । अर्थात् तपाईले एउटै शुल्कमा परिवारका सबै सदस्यहरुको भिसा थपको आवेदन दिनसक्नुहुनेछ ।

तर यदि तपाईले अनलाइनमार्फत आवेदन दिनुभएको खण्डमा परिवारका सदस्यहरुको आवेदन पनि एउटै शुल्कमा प्रकृयामा जाँदैन । तपाईले हरेक व्यक्तिको फरक फरक आवेदन र फरक फरक शुल्क तिर्नुपर्ने हुन्छ ।

भिसा थपको आवेदन दिनका लागि यहाँ क्लिक गर्नुहोला ।

अर्थात् भिसा थप्नुपर्ने व्यक्ति परिवारका धेरैजना भएतापनि तपाईले अनलाइनबाट आवेदन त दिन सक्नुहुन्छ तर हरेकका लागि ३७० डलर आवेदन शुल्क र ८५ डलर बायोमेट्रिक शुल्क तिनुपर्छ । कागजी रुपमा फाइल गर्दा एउटै शुल्कले धेरैका सहआवेदकका लागि भिसा थप्न आवेदन दिनसकिन्छ ।

उदाहरणका लागि यदि तपाई परिवारका तीनजनाको भिसा थपको आवेदन दिनुहुँदैछ भने अनलाइनमार्फत दिंदा हरेकका लागि ३७० आवेदन शुल्क र ८५ डलर बायोमेट्रिक शुल्कसहित १३६५ डलर तिर्नुपर्छ । तर कागजी फाइल गर्दा आवेदन शुल्क एउटामात्र तिरे पुग्छ भने बायोमेट्रिक शुल्क मुख्य आवेदक र सहआवेदकसहित सबैको तिनुपर्छ । अर्थात् तीनजनाको फाइल गर्दा ६२५ डलर तिरे पुग्छ ।

अनलाइनबाट भिसा थप्नका लागि आवेदन दिंदा आवेदक एउटैमात्र हुनुपर्छ भने तपाईलाई कानुनी प्रतिनिधिराख्ने आवश्यकता समेत हुँदैन । यदि परिवारको रुपमा फाइल गर्नुपरेमा फर्म आई ५३९ प्रयोग गर्नुहोला । र एउटैमात्र शुल्क तिर्नुहोला । फर्ममा उल्लेखित सबै विवरण भरेपछि हस्ताक्षर गर्न नभुल्नुहोला । त्यसपछि उचित ठेगानामा पठाउनुहोला ।

अनलाइनमार्फत आवेदन दिनका लागि तपाईले अनलाइन एकाउन्ट बनाउनुपर्छ । शुल्क पनि अनलाइनबाटै तिर्न सक्नुहुनेछ ।

श्रोत : युएससीआईएस

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com