KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

म अमेरिकी नागरिक होइन, के मैले १२ सय डलरको चेक पाउँछु ?

तपाई अमेरिकी नागरिक नभएपनि अमेरिकी सरकारले कोरोना भाइरसको महामारीबिरुद्ध जुध्न ल्याएको राहत प्याकेजले प्रदान गर्ने १२ सय डलरको चेक पाउन सक्नुहुनेछ । तर तपाई अमेरिकी सरकारको करदाता हुनुपर्छ । अर्थात् तपाईले सोसल सेक्युरिटी नम्बर प्राप्त गरेर कर तिरेको हुनुपर्छ ।

अमेरिकामा सोसल सेक्युरिटी नम्बरसहित बसोबास गरिरहेका र काम गरिरहेका गैर नागरिकहरुले समेत यो चेक प्राप्त गर्नुहुनेछ । जसमा कामदार भिसामा काम गरिरहेकाहरु र ग्रिनकार्डवाहक समेत पर्दछन् । तर भिजिटर भिसामा अमेरिका आएकाहरु र अमेरिकामा गैरकानुनी रुपमा बसोबास गरिरहेकाहरु भने योग्य हुनेछैनन् ।

पारित गरेको प्याकेजमा गैरआवासीय व्यक्ति उक्त रकम प्राप्त गर्न योग्य नहुने उल्लेख छ । सामान्यतया विद्यार्थी भिसामा रहेकाहरु, जे, क्यु भिसामा रहेकाहरु, विदेशको सरकारका कर्मचारीहरु गैरआवासीय व्यक्तिका रुपमा गणना गरिन्छ । तर अमेरिकामा विगत तीनबर्षको अवधिमा १८३ दिन अमेरिकामा बसेका लगायतका व्यक्तिहरु आवासीय व्यक्तिका रुपमा गणना हुन्छन् ।

आईआरएसको उपस्थीति परिक्षणमा जुनसुकै अध्यागमन स्टाटस भएपनि व्यक्ति आवासीयको परिभाषामा पर्नसक्छ । र, यो परिभाषामा परेर ट्याक्स फाइल गरेको व्यक्तिले सरकारबाट पाउने राहत चेक प्राप्त गर्न सक्नेछ । तर ए, जी, जे, क्वु, एफ, एम लगायतका भिसामा रहेका व्यक्तिहरु उपस्थीति परीक्षणमा प्रयाप्त समय बसेपनि आवासीयको परिभाषामा नपर्ने भएकाले राहत रकमका लागि योग्य हुनेछैनन् ।

Loading...

को आवासीयको परिभाषाभित्र पर्छ ? को पर्दैन ? यहाँ चेक गर्नुहोला ।

२ ट्रिलियन अमेरिकी डलरको यो प्याकेजमा एकजना करदातालाई १२ सय डलर, विवाहितलाई २४ सय डलर र १७ बर्षभन्दा कम उमेरका परिवारका सदस्यका लागि थप ५ सय डलर प्रदान गरिने उल्लेख गरिएको छ । बार्षिक ७५ हजार भन्दा कम आम्दानी हुने एकजनालाई १२ सय डलर प्रदान गरिने छ । यदि दम्पत्तिले ज्वाइन्ट ट्याक्स फाइल गरेका छन् र उनीहरुको आम्दानी बार्षिक १ लाख ५० हजार भन्दा कम रहेको छ भने उनीहरुले २४ सय डलर प्राप्त गर्नेछन् ।

७५ हजारभन्दा बढी आम्दानी हुनेहरुका सन्दर्भमा हरेक एकसय डलर बढी आम्दानीमा ५ डलर घटाउँदै लगिनेछ । ९९ हजारसम्म आम्दानी हुनेलेमात्र रकम प्राप्त गर्नेछन् जस अनुशार कसैको ८० हजार आम्दानी छ भने उसले ९५० प्राप्त गर्नेछ भने ९० हजार आम्दानी हुनेले ४५० प्राप्त गर्नेछ ।

त्यस्तै विवाहित जोडीको सन्दर्भमा १ लाख ५० हजार भन्दा धेरै बार्षिक आम्दानी हुनेले हरेक १ सय डलरमा ५ डलर घटाउँदै हिसाब गरेर रकम दिइनेछ । अर्थात् यदि कसैको १ लाख ६० हजार बार्षिक आम्दानी छ भने उनीहरुले १९ सय डलर पाउनेछन् । अधिकतम १ लाख ९८ हजार आम्दानी हुने जोडीलेमात्र रकम पाउनेछन् ।

प्याकेजको पूर्ण पाठ ।


भिडियो हेर्नुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com