५ सय ४५ वटा नमूना परीक्षण गरिएकोमा सबैको रिपोर्ट ‘नेगेटिभ’
प्रकाशित मिति : चैत्र ७, २०७६ शुक्रबार
राष्ट्रिय जनस्वास्थ्य प्रयोगशाला टेकुमा कोरोना परीक्षणको नमुना बढेको छ । केही दिन अघिसम्म दैनिक १५\२० वटा नमुना आउनेमा अहिले देशभरका अस्पतालबाट ४०\४५ वटासम्म संकलन भइरहेको छ । शुक्रबार दिउँसो न्यूज–२४ टिम प्रयोगशाला पुग्दा ४५ वटा नमुना परीक्षणमा थियो ।
कोरोना भाइरस (कोभिड–१९) परीक्षण हुने एकमात्र प्रयोगशाला जनस्वास्थ्य प्रयोगशाला टेकुमा शुक्रबार ४५ वटा नमुना परीक्षण गरिँदै थियो । जुन नमुना शुक्रराज अस्पतालको आइसोलेसनमा बसेका बिरामी, देशका बिभिन्न अस्पतालबाट संक्रमितको आशंका गरिएका र कोरोना प्रभावित देशबाट आएका बिरामीको थियो ।
बुधवार साँझदेखि शुक्रराज अस्पतालमा एक जना कोरोना संक्रमित उपचाररत रहेको हल्ला निकै चल्लो । तर, क्रिटिकल अवस्थामा रहेका भनिएका ति बिरामीको दुई पटक परीक्षण गर्दा पनि रिपोर्ट ‘नेगेटिभ’ नै आएको अस्पतालले जनाएको छ ।
शुक्रबार देशभरका बिभिन्न अस्पताल र ५ जना जर्मन नागरिकको नमूला परीक्षणमा राखिएको छ । चैत ७ गतेसम्म ५ सय ४५ वटा परीक्षण भएकोमा सबैको रिपोर्ट ‘नेगेटिभ’ आएको छ । कान्ति अस्पतालमा एक जना ६ बर्षीया बालिकालाई कोरोनाको आशंकामा आइसोलेसनमा राखिएको छ । र, उनको नमुना परीक्षणका लागि जनस्वास्थ्य प्रयोगशाला टेकु पठाइएको छ ।
जनस्वास्थ्य प्रयोगशालामा रहेको कोरोना परीक्षण गर्ने मेसिनमा एउटा पिसिआरमा एकपटकमा ९६ जनाको परीक्षण गर्न मिल्छ । प्रयोगशालामा ३ वटा पिसिआर मेसिन छ । जसबाट १२ घण्टामा २ सय ८८ वटा परीक्षण गर्न सकिन्छ । देशभरका अस्पतालले कोरोना संक्रमणको आशंका लागेका व्यक्तिको भाइरल ट्रान्सपोर्ट मिडियामार्फत नमुना प्रयोगशालामा पठाउनु पर्छ ।
राष्ट्रिय जनस्वास्थ्य प्रयोगशाला टेकुमा कोरोना परीक्षणको नमुना बढेको छ । केही दिन अघिसम्म दैनिक १५\२० वटा नमुना आउनेमा अहिले देशभरका अस्पतालबाट ४०\४५ वटासम्म संकलन भइरहेको छ । शुक्रबार दिउँसो न्यूज–२४ टिम प्रयोगशाला पुग्दा ४५ वटा नमुना परीक्षणमा थियो ।
कोरोना भाइरस (कोभिड–१९) परीक्षण हुने एकमात्र प्रयोगशाला जनस्वास्थ्य प्रयोगशाला टेकुमा शुक्रबार ४५ वटा नमुना परीक्षण गरिँदै थियो । जुन नमुना शुक्रराज अस्पतालको आइसोलेसनमा बसेका बिरामी, देशका बिभिन्न अस्पतालबाट संक्रमितको आशंका गरिएका र कोरोना प्रभावित देशबाट आएका बिरामीको थियो ।
बुधवार साँझदेखि शुक्रराज अस्पतालमा एक जना कोरोना संक्रमित उपचाररत रहेको हल्ला निकै चल्लो । तर, क्रिटिकल अवस्थामा रहेका भनिएका ति बिरामीको दुई पटक परीक्षण गर्दा पनि रिपोर्ट ‘नेगेटिभ’ नै आएको अस्पतालले जनाएको छ ।
शुक्रबार देशभरका बिभिन्न अस्पताल र ५ जना जर्मन नागरिकको नमूला परीक्षणमा राखिएको छ । चैत ७ गतेसम्म ५ सय ४५ वटा परीक्षण भएकोमा सबैको रिपोर्ट ‘नेगेटिभ’ आएको छ । कान्ति अस्पतालमा एक जना ६ बर्षीया बालिकालाई कोरोनाको आशंकामा आइसोलेसनमा राखिएको छ । र, उनको नमुना परीक्षणका लागि जनस्वास्थ्य प्रयोगशाला टेकु पठाइएको छ ।
जनस्वास्थ्य प्रयोगशालामा रहेको कोरोना परीक्षण गर्ने मेसिनमा एउटा पिसिआरमा एकपटकमा ९६ जनाको परीक्षण गर्न मिल्छ । प्रयोगशालामा ३ वटा पिसिआर मेसिन छ । जसबाट १२ घण्टामा २ सय ८८ वटा परीक्षण गर्न सकिन्छ । देशभरका अस्पतालले कोरोना संक्रमणको आशंका लागेका व्यक्तिको भाइरल ट्रान्सपोर्ट मिडियामार्फत नमुना प्रयोगशालामा पठाउनु पर्छ ।