अमेरिकामा कोरोनाबाट मृत्यु हुनेको संख्या १५५ पुग्यो, २४ घण्टामै ४६ को मृत्यु
प्रकाशित मिति : चैत्र ६, २०७६ बिहीबार
अमेरिकामा कोरोना भाइरस अर्थात कोभिड-१९ का कारण ज्यान गुमाउनेको १५५ पुगेको छ । कारोनासँग विषयसँग सम्बन्धित तथ्याङ्क निकाल्ने संस्था वर्ल्डो मिटरर्स डट इन्फोका अनुसार पछिल्लो २४ घण्टामा मात्रै ४६ जनाको मृत्यु भएको छ । बुधबार बिहानसम्म अमेरिकामा कोरानबाट मृत्यु हुनेको जम्मा संख्या १०९ थियो ।
कोरोना भाइरस उद्गम स्थल चीनमा संक्रमण दर घट्दै गइरहेको बेला अमेरिका भने बढ्दै गइरहेको छ । पछिल्लो २४ घण्टाभित्र अमेरिकामा २ हजार ९८७ जना नयाँ संक्रमित थपिएका छन् ।
अमेरिका बुधबार बिहानसम्म जम्मा ६ हजार ४४१ जना संक्रमित थिए । बिहीबार बिहानसम्म संक्रमितको संख्या ९ हजार ४२८ ४४१ पुगेको वर्ल्डो मिटरर्स डट इन्फोले जनाएको छ ।
संक्रमितमध्ये १०८ जना मात्रै पूर्णरुपमा निको भएका छन् । अहिले ९ हजार १६५ जनामा कारोको भाइरस सक्रिय रहेको छ भने ६२ जना गम्भीर अवस्थामा रहेको वर्ल्डो मिटरर्स डट इन्फोले जनाएको छ ।
गत डिसेम्बरको अन्तिमतिर चीनको वुहानबाट फैलिएको यो भाइरस अहिले विश्वका १ सय ६५ भन्दा बढी मुलुकमा फैलिसकेको छ ।
अहिलेसम्म विश्वभर ८ हजार ९४४ जनाको मृत्यु भइसकेको छ भने २ लाख लाख १८ हजारभन्दा बढी संक्रमित भएका छन् । ८४ हजार तीन सयभन्दा बढी पूर्ण रुपमा निको भएका छन् ।