दुर्घटनापछि उबरले खारेज गर्यो ड्राइभरबिना चल्ने कार
प्रकाशित मिति : चैत्र १३, २०७३ आईतबार
एरिजोनामा भएको दुर्घटनापछि उबरले ड्राइभरविना नै चल्ने कार कार्यक्रम रद्द गर्ने घोषणा गरेको छ । बहुचर्चित सवारी कम्पनी उबरले ड्राइभरविना नै आफै चल्ने कारको कार्यक्रम परिक्षण गरिरहेको थियो ।
कार्यक्रम खारेज गर्ने घोषणापछि पेन्सिलभेनियाको पिट्सबर्ग, क्यालिफोर्निया र एरिजोनामा सडकमा राखिएका उबरका गाडीहरु फिर्ता लगिएको छ । एरिजोनामा दुर्घटनाहुँदा उबरको कार ड्राइभरविना नै चल्ने मोडमा सडकमा गुडिरहेको थियो भने कारमा कुनै यात्रु थिएनन् ।
दुर्घटनामा उबरको गाडीको गल्ती नभएको र नियमित अर्को गाडीका कारण दुर्घटना भएको प्रहरीले जनाएको छ । उबरका प्रवक्ताले दुर्घटनाबारे आफूले नजिकबाट हेरिरहेको बताएका छन् ।
उबरले ड्राइभरविना चल्नसक्ने कारको परिक्षण एरिजोनामा गतमहिनादेखि सुरुवात गरेको थियो । पिट्सबर्गमा भने गत सेप्टेम्बरदेखि परिक्षण सुरु गरिएको थियो ।
यसरी चल्छ ड्राइभरविना नै उबरको कार (भिडियो)