बेलायतमा शनिबारदेखि हराएका नेपाली युवाको शव नदि किनारामा
प्रकाशित मिति : फाल्गुन २७, २०७६ मंगलबार
बेलायतको केन्ट आसफोर्डमा एकजना नेपाली मृत अवस्थामा भेटिएका छन् । शनिबारदेखि हराइरहेका ३३ बर्षका युगल लिम्बुको शव नदिको किनारामा भेटिएको हो ।
उनको शव भेटिएकोबारे परिवारलाई खबर गरिसकेको प्रहरीले जनाएको छ । उनको मृत्युको कारणबारे अनुसन्धान भइरहेको प्रहरीको भनाई छ । तर कसैमाथि आशंका भने गरिएको छैन ।
लिम्बु अन्तिमपटक आसफोर्डको भिक्टोरिया पार्कमा देखिएपछि हराएका थिए । त्यसपछि प्रहरीले उनको खोजीकार्य तीब्र पारेको थियो ।
कालोटोपी, कालो कोट र कालै ट्राउजर लगाएको अवस्थामा उनी हराएका थिए । उनको शव सोमबार दिउसो साढे ४ बजे भेटिएको हो ।