कागजपत्रविहिनलाई अमेरिका ल्याउने व्यक्ति छैठौंपटक देशनिकाला
प्रकाशित मिति : फाल्गुन १९, २०७६ सोमबार
कागजपत्रविहिनलाई अमेरिका ल्याउने मानव तस्करीमा संलग्न एक व्यक्तिलाई अमेरिकाले छैठौंपटक देशनिकाला गर्ने भएको छ । कागजपत्रविहिनलाई ओसारपसार गरिरहेको अवस्था उक्त व्यक्तिलाई डेलावरबाट पक्राउ गरिएको थियो ।
डेलावरका न्यायाधिसले आन्द्रेस आन्द्रेस हुवान नामका व्यक्तिलाई देशनिकालाको आदेश दिएका हुन् । यसअगाडि उक्त व्यक्ति अमेरिकाबाट ५ पटक देशनिकालामा परिसकेको जनाइएको छ ।
उक्त व्यक्तिलाई १४ महिनादेखि हिराशतमा राखिएको छ । विगतमा सिमानामा रहेको दलाललाई पूरै ऋण तिर्न नसकेका कारण आफू पटकपटक अमेरिकामा गैरकानुनी रुपमा आएको उक्त व्यक्तिको बयानमा देखिएको छ । सिमानामा रहेको दलाललाई रकम तिर्न नसकेपछि कागजपत्रविहिनलाई ओसार्न राजी भएको उक्त व्यक्तिले बयान दिएको जनाइएको छ ।
आन्द्रेस आन्द्रेस हुवान सन् २००२ यता अमेरिकाबाट ५ पटक देशनिकाला भइसकेको रेकर्डमा उल्लेख छ । अमेरिकामा कागजपत्रविहिलाई ओसारपसार गर्ने क्रममा कैयन व्यक्ति पक्राउ पर्दै आएका छन् ।
मेक्सिकोका कैयन आप्रवासी पटकपटक अमेरिका छिर्ने र पटकपटक देशनिकाला हुने गरेको रेकर्ड रहेको छ । उनीहरु देशनिकाला भइसकेपछि पनि पुन सिमाक्षेत्रबाट गैर कानुनी रुपमा अमेरिका आउने गरेका छन् ।